26 artículos
En ‘Xanzaina’ la formación xixonesa da-y mayor protagonismu a los soníos folk, como se pue sentir nel single d’adelantu “Los Cuatro Cuernos”.
Nuevu discu de Luis Núñez y Los Folganzanes. Acútalo yá y recíbelo’l 27 d’avientu na to dirección (fecha oficial de llanzamientu)
Luis Núñez y los Folganzanes vuelven al mercáu discográficu con un nuevu discu, ‘Xanzaina’.
Sobremanera destaca’l primer cantar del discu, “Los Cuatro Cuernos”, qu’ensin dubia ta a l’altura de los meyores temes folk.
Pa esti nuevu trabayu escoyéronse amás otros 10 cantares de calter folk, dando más protagonismu a instrumentos tradicionales como les gaites y les flautes, pero ensin perder la frescura de les guitarres eléctriques que caractericen a esta banda.
Nueves mezcles, remasterizáu y cola collaboración d’un bon piñu de bonos músicos de la escena asturiana, ‘Xanzaina’ ye un trabayu de gran altor y enllenu de talentu, maxa y madurez d’una formación que llidera’l veteranu guitarrista y cantante Luis Núñez.
Nestos tiempos convulsos que vivimos que nun falte la música y lo meyor ye que la disfrutes.
‘Xanzaina’ pue ser un gran descubrimientu.
Ye’l tercer single -y el más rockeru- d’esti proyectu qu’axunta la música de Luis Núñez y la poesía de Susana Sela.
Segundu discu d’esti artista, qu’inclúi la canción “La Ñeve y la Esmeralda”, Premiu al Meyor Cantar en Llingua Asturiana nel añu 2017.
Luis Núñez y los Folganzanes ye un proyectu nel que collaboren dellos artistes de la escena folk asturiana pero ensin perder les influyencies pop-rock, seña d’identidá de los cantares d’esti guitarrista, ex componente del grupu xixonés Fuera de Serie.
Blinca’ ye’l tercer discu del proyectu pop-rock d’autor Luis Núñez y Los Folganzanes.
El periodista y xestor cultura Inaciu Galán presenta asina esti trabayu:
Luis Núñez y los Folganzanes tráinos un trabayu nuevu qu’apurre a la música asturiana un conxuntu de soníos bien prestosu y que nun va dexar indiferente a naide. En Blinca l’artista asturianu da un pasu más na so carrera con seguridá y anovando, mientres sigue calteniendo la esencia de la so obra.
En temes como Blinca, que da nome al discu, o La Fonte la Fisgona, apruz la versión más folk de Luis Núñez, con un soníu cuidáu y una bayurosa amuesa d’instrumentos del gran equipu de collaboradores del que s’arrodia esti músicu en cada trabayu.
Sicasí, la so faceta más interesante ye aquella na que lleva a la música asturiana y n’asturianu a campos menos visitaos, con soníos ente’l rock y el pop, la música de cantautor… y siempres cola voz personal d’un artista que tien al llombu una trayectoria llarga y variada, pero equilibrada, ensin estridencies.
Cada tema llega con lletres bien construyíes, dalgunes en collaboración, habitual en Núñez, con poetes asturianos, colos que trabaya de cerca pa crear los sos temes, que tienen tamién nes lletres una parte fundamental, y nel usu del asturianu, un compromisu a reconocer.
Quien conoz de cerca’l trabayu de Luis Núñez, como tengo la suerte de poder dicir, sabe que’l so estudiu de Xixón ye un espaciu nel que los cantares van faciéndose a fueu lentu, cola profesionalidá d’un espertu en soníu, el talentu d’un músicu de llarga esperiencia y el curiáu d’un auténticu artesanu de la música.
Visitalu nel estudiu y ver cómo medren los sos temes ye una esperiencia especial. Unu comprueba como tres llargues hores y xornaes de trabayu, una base acaba convirtiéndose nuna melodía y como esa melodía va evolucionando con aportaciones musicales que van sumándose, con lletres que van perfeccionándose, con igües dacuando imperceptibles pal oyíu menos educáu pero que dempués suponen una meyora bultable nel tema. Lo más paecío a esi trabayu ye’l de los artesanos, el de los escultores, que ven nuna piedra una figura qu’acaba por surdir tres tantu trabayu. Y asina lo fai Luis, pasu ente pasu, ensin priesa, pero ensin pausa, porque nun para.
Ver a Luis Núñez, amando los sos temes, creyendo n’ellos, pero siempres abiertu a les propuestes de les persones a les que mos pide conseyu, fala d’un artista talentosu y tamién intelixente y abiertu a otres visiones, de les que siempres ye quien a garrar lo meyor. Ver tou esi trabayu que fai, ver eses ganes y esa ilusión, esi compromisu asumíu col asturianu, presta pola vida. Y el resultáu fala por él solu, un discu escelente, que me paez un verdaderu “blincu” na carrera de Luis Núñez y los Folganzanes, y qu’espero que nesta Asturies postcuarentena, tenga los escaparates y la promoción de les instituciones que merez un trabayu d’esti altor.
Primer discu del artista xixonés Luis Núñez. La so música ye un proyectu nel que collaboren dellos artistes de la escena folk asturiana pero ensin perder les influyencies pop-rock, seña d’identidá de los cantares d’esti guitarrista, ex componente del grupu xixonés Fuera de Serie.
Ente’l 22 y 24 de setiembre actúen Trebeyu, Los Gascones, Luis Núñez, Algaire, La Tarrancha, Llevólu’l Sumiciu, Mestura y David Varela.
Premiaron a Eva Díaz Toca (Slum Suit), El Gumial, Luis Núñez, Llevólu’l Sumiciu, La Tarrancha, Guieldu, Algaire y Alfredo González.
Viaxar con poco pesu ye’l primer llarga duración que firmen conxuntamente la escritora Susana Sela y el músicu Luis Núñez. Tres llanzar dellos singles a lo llargo l’añu, publiquen agora los diez cantares que dan forma a esti álbum nel que suenen xéneros como’l folk, pop, jazz, rock o spoken word enriba de los poemes y la voz recitada de Susana Sela.
Diez cantares dan forma a esti discu nel que suenen xéneros como’l folk, pop, jazz, rock o spoken word enriba de los poemes de Susana Sela.
Luis Núñez y Los Folganzanes presenten el so cuartu trabayu, que da «notoriedá a les gaites, flautes y instrumentos de percusión»
Luis Núñez asoleya un nuevu single en toles plataformes dixitales: “Viaxar con poco pesu”. El cantar tien la collaboración de Susana Sela recitando y nél el rock d’autor del músicu xixonés ximiélgase tamién con sonoridaes jazz. Ye’l primeru d’una serie de temes que van dir
La Banda de Gaitas El Trasno, Camín de Fierro, Luis Senén y Germán Mingote recibieron premios nuna gala na que nun faltó la reivindicación.
Nesta edición hai un total de ventidós categoríes de les qu’en doce hai presencia d’artistes rellacionaos cola música d’espresión asturiana.
La producción musical asturiana, depués d’un tiempu de crisis y de parón por cuenta del coronavirus, vuelve a reactivase de manera bien curiosa nes últimes selmanes. Cola vuelta a la normalidá vienen presentándose una serie de novedaes discográfiques que responden al trabayu continuáu y permamente
Dixitalizamos la casete ‘La Fonte les Xanes’ del pianista Rubén Tuero, quien publicaba en 1991 el primer spoken word n’asturianu.
Per cuartu añu consecutivu, Musicasturiana.com collabora colos Premios AMAS pa facer la playlist oficial del eventu.
Entama a distribuyise y asoleya online esta publicación qu’inclúi un CD y que pue consiguise en ventiocho llocales de quince conceyos.
Nesta edición hai un total de ventiún categoríes de les que n’once hai presencia d’artistes rellacionaos cola música d’espresión asturiana.
Namás ocho referencies salieron en formatu físicu y les qu’asoleyaron en formatu dixital recueyen una bayura estilística na que destaca la electrónica de raigañu.
La música vien acompañando dende siempre al ritual sidreru. Nun hai xuntanza d’amigos y amigues, cena nuna sidrería o espicha que se precie na que nun s’entonen unos cantarinos tomando unos culetes. Amás d’estos cantares populares de chigre, de sobra conocíos por toos y toes,
“El conoz a tierra” impúsose a los otros cantares interpretaos por bandes consolidaes de la escena de la música n’asturianu: “Tomasín” de ¿Aú?, “Flacos y ensin peinar” de la Banda Gaites Camín de Fierro y “Veis Volver” de L-R.
El Gobiernu Asturianu quixo reconocer a la creación musical en llingua asturiana y gallego-asturianu y por eso creó nel 2007 el Premiu al Meyor Cantar. Con doce ediciones celebraes, esti gallardón vien reflexando la vitalidá y la diversidá de la música fecha nes llingües d’Asturies.
El llamáu Nuevu Canciu, movimientu musical qu’a finales de los 70 y primeros de los 80 supunxo una revolución pa la música asturiana. Pero la canción d’autor con identidá asturiana nun morrió col fin d’esti movimientu, pola contra, en toos estos años hubo dellos artistes
La producción discográfica de música n’asturianu ye bayurosa y variada. Anguaño’l consumu musical dase sobre too nes plataformes musicales y cada vez son menos los grupos qu’editen trabayos discográficos completos; sicasí, añalmente salen al mercáu más de venti discos enmarcaos dientro de la música d’espresión
La música asturiana va sonar coles actuaciones de Los Gascones, Guieldu, Burbús, Deira, Camín de Fierro y L’Artusu.
