BEGIN:VCALENDAR
VERSION:2.0
PRODID:-//Musicasturiana.com - ECPv6.17.3.1//NONSGML v1.0//EN
CALSCALE:GREGORIAN
METHOD:PUBLISH
X-WR-CALNAME:Musicasturiana.com
X-ORIGINAL-URL:https://musicasturiana.com
X-WR-CALDESC:Eventos para Musicasturiana.com
REFRESH-INTERVAL;VALUE=DURATION:PT1H
X-Robots-Tag:noindex
X-PUBLISHED-TTL:PT1H
BEGIN:VTIMEZONE
TZID:UTC
BEGIN:STANDARD
TZOFFSETFROM:+0000
TZOFFSETTO:+0000
TZNAME:UTC
DTSTART:20240101T000000
END:STANDARD
END:VTIMEZONE
BEGIN:VEVENT
DTSTART;TZID=UTC:20250719T080000
DTEND;TZID=UTC:20250727T230000
DTSTAMP:20250718T080303Z
CREATED:20250704T135816Z
LAST-MODIFIED:20250718T080303Z
UID:41224-1752912000-1753657200@musicasturiana.com
SUMMARY:Festival Intercélticu n'Avilés
DESCRIPTION:Torna’l Festival Intercélticu d’Avilés\, una de les cites más importantes cola música celta y folk del branu asturianu. La XXVIII edición del eventu va desendolcase del 19 al 27 de xunetu nel Parque’l Muelle y otros espacios del Cascu Vieyu d’esta ciudá. Na programación -que pue consultase equí– hai les actuaciones de quince artistes y agrupaciones asturianes\, amás d’otres de más países celtes. Xunto a la música tamién hai programaes entrega de premios\, actividaes pa la reciella\, gastronomía\, baille y arte. \nA les doce la mañana del sábadu 19 arranca la programación cola III Edición de los premios Gausón nel Palaciu de Valdecarnaza. Nella van participar la Banda Gaites La Tarabica -formación asturmadrileña creada en al rodiu la Casa d’Asturies de Guadarrama-; y Mentobardi\, proyectu folk de Mento Hevia nel qu’interpreta la viola de gamba. Esi mesmu día la BG La Tarabica actúa a les 14h nel Parque’l Muelle y a les 19 hai un pasucais de bandes de gaites de la Comarca d’Avilés. La xornada complétase a les 20h cola Esbilla de Bandes de Gaites de la Comarca d’Avilés na que participen les d’Esbardu -organizadora del eventu-\, La Tarabica y Corvera d’Asturies y\, a les 22h\, cola Nueche en Danza na que toquen Soi Panderetera\, L’Andecha Turcipié\, amás d’haber escenariu abiertu. Dambes cites son nel Parque’l Muelle. \nPal domingu 20 Los Gascones toquen a les 13h nel Parque’l Muelle; La Tarabica fai dellos pases y Pandereteras de Somiedo actúen a les 20h na Plaza Pedro Menéndez. Los conciertos asturianos rematen esi día cola Orquesta Céltica Asturiana (22h\, Plaza Pedro Menéndez) y DJ Fon-T (23.30h\, Parque’l Muelle)\, proyectu qu’entemez cantares populares\, muñeires y xotas con bases rítmiques actualizaes. \nHéctor Braga y Herbamora\nLa programación continúa’l llunes 21 con pasucais d’Esbardu pela mañana y les actuaciones y pasucais pela tarde de les bandes de gaites Esbardu\, Picos d’Europa y Güestia. Pela nueche ye’l conciertu d’Héctor Braga\, que va interpretar a les 22h nel escenariu de la Plaza Pedro Menéndez l’espectáculu del so discu nuevu\, Rabil. Nesi mesmu espaciu y hora\, pero’l martes 22\, tamién amuesen Herbamora‘l so trabayu últimu\, 286 Llunes. \nLes agrupaciones d‘Escocia\, Irlanda\, Bretaña y Galicia protagonicen los díes vinientes con delles actuaciones. Les formaciones d’Asturies van compartir espaciu con elles nos desfiles El Trunfu de los Países Celtes (participa Esbardu’l vienres 25) y nel espectáculu Nueche Máxica Lluna Celta (22h na Plaza Pedro Menéndez) \nEl sábadu 26 Corvera va acoyer delles actuaciones nes que la Banda Gaites Corvera d’Asturies va ser l’anfitriona y esa mesma nueche axúntense nel Parque’l Muelle (23.45h) un Fest-Noz bretón y una Foliada gallega. La programación complétase’l domingu 27 colos desfiles y ceremonies d’Esbardu xunto a les agrupaciones visitantes y cola actuación de la Orquesta Céltica Asturiana interpretando l’himnu del F.I.A. Un pieslle que tien llugar a les 19.30h na Plaza Pedro Menéndez.
URL:https://musicasturiana.com/evento/festival-intercelticu-en-aviles/
LOCATION:Avilés\, Avilés
CATEGORIES:Festival,Folk / Celta / Tradicional,Gaita
ATTACH;FMTTYPE=image/png:https://musicasturiana.com/wp-content/uploads/2025/07/intercelticu-2025.png
END:VEVENT
BEGIN:VEVENT
DTSTART;TZID=UTC:20250719T160000
DTEND;TZID=UTC:20250719T200000
DTSTAMP:20250722T083743Z
CREATED:20250718T072124Z
LAST-MODIFIED:20250722T083743Z
UID:41623-1752940800-1752955200@musicasturiana.com
SUMMARY:Presentación XVIII Festival Internacional de la Gaita
DESCRIPTION:Del 4 al 7 de setiembre Villaviciosa va acoyer otru añu más el Festival Internacional de la Gaita (FIG)\, que nesta ocasión llega a la so edición númberu dieciocho. Esti sábadu 19 de xunetu la Banda Gaites Villaviciosa – El Gaitero -organizadora del eventu- va presentar la programación completa del eventu y\, enantes\, va entamar un taller de caxa d’alta tensión que va dar el percusionista canadiense Ian Morris. \nLa XVIII edición va tar formada por conciertos\, charres\, talleres\, dos Nueches Folk\, mercáu d’artesanía\, esposiciones\, alcuentru de bandes de gaites\, amuesa d’artesanos d’instrumentos musicales tradicionales\, la decimocuarta edición del concursu de gaiteros Memorial José Huerta\, la IX Nueche en Danza del FIG y otres sorpreses que va presentar la organización esti sábadu a les 18h nel Atenéu Obreru de Villaviciosa. \nPa completar la xornada\, dende’l FIG entamen a les 16h una clase maxistral d’Ian Morris\, músicu profesional canadiense qu’anguaño reside en Xixón. Tien formación académica n’interpretación de percusión\, vien de desolcar el cargu de Director de Percusión de la Policia Real d’Omán\, tien una bayurosa carrera dientro de bandes de gaites -ente les que destaca la Shotts and Dykehead Caledonia Pipe Band-\, y algamó dellos premios en campeonatos rellacionaos con estes agrupaciones. El taller de caxa d’alta tensión que va dar ta empobináu al mundu de la percusión pa banda de gaites y yá ta abierta la inscripción por un preciu de 25 € a traviés del corréu festivalinternacionaldelagaita@gmail.com.
URL:https://musicasturiana.com/evento/presntacion-xviii-festival-internacional-de-la-gaita/
LOCATION:Atenéu Obreru de Villaviciosa\, C. Magdalena\, 1\, Villaviciosa\, 33300
CATEGORIES:Charres / Talleres / Proyecciones,Festival,Folk / Celta / Tradicional,Gaita
ATTACH;FMTTYPE=image/jpeg:https://musicasturiana.com/wp-content/uploads/2025/07/FIG-2025.jpg
END:VEVENT
END:VCALENDAR