BEGIN:VCALENDAR
VERSION:2.0
PRODID:-//Musicasturiana.com - ECPv6.17.3.1//NONSGML v1.0//EN
CALSCALE:GREGORIAN
METHOD:PUBLISH
X-WR-CALNAME:Musicasturiana.com
X-ORIGINAL-URL:https://musicasturiana.com
X-WR-CALDESC:Eventos para Musicasturiana.com
REFRESH-INTERVAL;VALUE=DURATION:PT1H
X-Robots-Tag:noindex
X-PUBLISHED-TTL:PT1H
BEGIN:VTIMEZONE
TZID:UTC
BEGIN:STANDARD
TZOFFSETFROM:+0000
TZOFFSETTO:+0000
TZNAME:UTC
DTSTART:20250101T000000
END:STANDARD
END:VTIMEZONE
BEGIN:VEVENT
DTSTART;TZID=UTC:20260826T193000
DTEND;TZID=UTC:20260828T235900
DTSTAMP:20260825T121806Z
CREATED:20260807T070935Z
LAST-MODIFIED:20260825T121806Z
UID:52597-1787772600-1787961540@musicasturiana.com
SUMMARY:Cicade n'A Veiga
DESCRIPTION:Por tercer añu consecutivu vuelve CICADE\, el ciclu de canción d’autor del Eo qu’esti añu suma una estaya nueva na so programación: el cine independiente. Dende esti miércoles 26 d’agostu hasta’l vienres 28\, A Veiga va acoyer esti eventu nel que\, ente otres actividaes\, actúen Vicente Díaz; los cantadores Alicia Villanueva y Manuel Roza col gaiteru Rodrigo Joglar; y se proyecten les obres audiovisuales musicales Basal y A Cantinera (Os Alonso de Miudes).\n\n \n\nLa programación arranca’l miércoles 26 a les 19.30h na Casa de Cultura d’A Veiga. Ellí va proyectase primer’l documental Basal\, una obra que retrata la vida de la cantautora gallega Ugia Pedreira xunto a la so fía Lua Awel\, que tien parálisis cerebral. La música ta presente en toa esta obra -que tamién ye un discu d’A Pedreira-\, faciendo un percorríu pela Mariña de Lugo y l’occidente asturianu. L’arte como un derechu y la necesidá d’actividaes culturales accesibles pa tolos públicos\, independientemente de les sos capacidaes\, son otres de les cuestiones que trata esta creación audiovisual.\n\n \n\nLlueu de Basal\, llega’l turnu d’ A Cantinera (Os Alonso de Miudes)\, una película documental dirixida por Abel Pérez y cola codirección de Lola Cancio sobre la historia de l’agrupación Os Alonso de Miudes (y el posterior pasu a ser a Orquesta Osnola) que funcionó a lo llargo de cuasi cuatro décades nel sieglu pasáu y qu’en 2025 s’estrenó cuando se cumplieron 60 años de la so actuación cabera. Pa la banda sonora d’esta obra fízose un trabayu de composición y adaptación de temes del so cancioneru cuntando con Vero Rubio como coordinadora\, con Pedro Pascual como creador y arreglista y coles collaboraciones de Pepín de Muñalen a les flautes\, Pablo Pascual al clarinete y Cibran Seixo al violín.\n\n \nCanción asturiana\n \n\nEnte les otres actividaes\, el vienres 28 d’agostu continúa la programación rellacionada cola música n’asturianu. A les 21h nel Quioscu de la Música d’A Veiga CICADE entama la III Muestra d’Asturianada\, na que participan Alicia Villanueva y Manuel Roza a les voces y Rodrigo Joglar a la gaita. Llueu\, a les 22h\, actúa’l cantante más destacáu del pop llariegu\, Vicente Díaz. Con esta cita\, el ciclu de Cine Independiente y Canción de Autor del Eo consolídase puxando por llevar la música’l país al occidente asturianu\, amás d’otres manifiestaciones culturales d’otros territorios.
URL:https://musicasturiana.com/evento/cicade-na-veiga-2/
LOCATION:A Veiga\, A Veiga\, 33770
CATEGORIES:Canción d'Autor / Pop-Rock,Festival,Tonada / Asturianada
ATTACH;FMTTYPE=image/jpeg:https://musicasturiana.com/wp-content/uploads/2025/07/cicade-logo.jpg
END:VEVENT
BEGIN:VEVENT
DTSTART;TZID=UTC:20260823T173000
DTEND;TZID=UTC:20260823T203000
DTSTAMP:20260820T092031Z
CREATED:20260820T092031Z
LAST-MODIFIED:20260820T092031Z
UID:52837-1787506200-1787517000@musicasturiana.com
SUMMARY:Homenaxe Marcos en Valdés
DESCRIPTION:La Banda Gaites Castrillón y el Grupo Jovellanos faen alcordanza de Marcos Fernández «Marki»\, expresidente de la Sociedad Popular La Regalina de Cadavéu fináu el pasáu mayu a los 44 años d’edá.
URL:https://musicasturiana.com/evento/homenaxe-marcos-en-valdes/
LOCATION:Horru de La Regalina\, Cadavéu
CATEGORIES:Folk / Celta / Tradicional,Gaita
ATTACH;FMTTYPE=image/jpeg:https://musicasturiana.com/wp-content/uploads/2026/08/homenaxe-a-marcos-la-regalina.jpg
END:VEVENT
BEGIN:VEVENT
DTSTART;TZID=UTC:20260823T103000
DTEND;TZID=UTC:20260823T200000
DTSTAMP:20260821T134209Z
CREATED:20260821T134150Z
LAST-MODIFIED:20260821T134209Z
UID:52918-1787481000-1787515200@musicasturiana.com
SUMMARY:X Mercáu Tradicional nes fiestes El Pote en Samartín del Rei Aurelio
DESCRIPTION:Hai música tradicional con música de la Bandina Gaites Valle del Nalón y del Grupu Folclóricu Blimea\,un Conciertu didácticu de baille tradicional de María Trubia y Pau Santirso y otru de Caparines. \n\n10:30 — Apertura del X Mercáu.\n16:00–17:00 — Pintacares pa la reciella.\n16:00–20:00 — Xuegos tradicionales pel prau con 6 conceyos.\n17:00–17:50 — Espectáculo de títeres Maruxa & Xuan\, con Andrea Lobo.\n18:00 — Conciertu didácticu de baille tradicional de María Trubia y Pau Santirso.\n19:30 — Sorteú de la rifa.\n19:30 — Conciertu de Caparines.\n20:00 — Pesllamos Mercáu.\n\n🎶 Animación pela mañana: Mercáu animáu pela mañana pola Bandina Gaites Valle del Nalón y pela tarde col Grupu Folclóricu Blimea. \nOrganiza: Comisión Fiestes El Pote.
URL:https://musicasturiana.com/evento/x-mercau-tradicional-nes-fiestes-el-pote-en-samartin-del-rei-aurelio/
LOCATION:Santa Bárbola\, Santa Bárbola\, Samartín del Rei Aurelio\, 33957
CATEGORIES:Folk / Celta / Tradicional
ATTACH;FMTTYPE=image/jpeg:https://musicasturiana.com/wp-content/uploads/2026/08/X-Mercau-Fiesta-el-Pote.jpg
END:VEVENT
BEGIN:VEVENT
DTSTART;TZID=UTC:20260822T203000
DTEND;TZID=UTC:20260822T220000
DTSTAMP:20260820T094925Z
CREATED:20260515T072820Z
LAST-MODIFIED:20260820T094925Z
UID:50577-1787430600-1787436000@musicasturiana.com
SUMMARY:La Banda... Latira! en Llanes
DESCRIPTION:La Banda Latira ye una bandina astur-bretona influenciada poles funk brass\, polos sones contemporáneos y pola música de raigañu d’estos dos países.
URL:https://musicasturiana.com/evento/la-banda-latira-en-carreno-2/
LOCATION:Llanes\, 33500
CATEGORIES:Folk / Celta / Tradicional
ATTACH;FMTTYPE=image/jpeg:https://musicasturiana.com/wp-content/uploads/2024/08/la-banda-latira-promo-3.jpg
END:VEVENT
BEGIN:VEVENT
DTSTART;TZID=UTC:20260822T200000
DTEND;TZID=UTC:20260822T213000
DTSTAMP:20260814T071346Z
CREATED:20260814T071346Z
LAST-MODIFIED:20260814T071346Z
UID:52720-1787428800-1787434200@musicasturiana.com
SUMMARY:Anabel Santiago en Bimenes
DESCRIPTION:Anabel Santiago ye la cantante actual de tonada más reputada y popular\, amás d’una renovadora d’esti xéneru musical. Nacida n’Arxentina en 1981\, entamó a cantar con namás 13 años. En tou esti tiempu ganó una montonera de concursos de canción asturiana\, algamó premios musicales d’ámbitu asturianu y estatal; subió a milenta escenarios y participó n’estremaos proyectos como l’espectáculu ‘Torner’. La so discografía ye bayurosa y variada\, con 7 discos en solitario nos que la so voz suena tanto nes formes más clásiques de l’asturianada como amestándose a estilos tan estremaos como la electrónica\, el tango\, el country o’l pop.
URL:https://musicasturiana.com/evento/anabel-santiago-en-bimenes/
LOCATION:Parque de Tabayes\, Bimenes
CATEGORIES:Folk / Celta / Tradicional,Tonada / Asturianada
ATTACH;FMTTYPE=image/jpeg:https://musicasturiana.com/wp-content/uploads/2022/10/anabel-santiago-1200x600-1.jpg
END:VEVENT
BEGIN:VEVENT
DTSTART;TZID=UTC:20260822T190000
DTEND;TZID=UTC:20260822T200000
DTSTAMP:20260820T094438Z
CREATED:20260814T051107Z
LAST-MODIFIED:20260820T094438Z
UID:52704-1787425200-1787428800@musicasturiana.com
SUMMARY:Los Collaínos n'Uviéu
DESCRIPTION:Bandina de música tradicional asturiana.
URL:https://musicasturiana.com/evento/los-collainos-nuvieu-2/
LOCATION:Uviéu\, Uviéu\, 33003
CATEGORIES:Folk / Celta / Tradicional
ATTACH;FMTTYPE=image/jpeg:https://musicasturiana.com/wp-content/uploads/2026/02/bandina-los-collainos.jpg
END:VEVENT
BEGIN:VEVENT
DTSTART;TZID=UTC:20260822T170000
DTEND;TZID=UTC:20260822T193000
DTSTAMP:20260820T091242Z
CREATED:20260820T091242Z
LAST-MODIFIED:20260820T091242Z
UID:52832-1787418000-1787427000@musicasturiana.com
SUMMARY:Subi a la Tenobiera en Villaviciosa
DESCRIPTION:Dientro del ciclu cultural Subi a la Tenobiera. Cultura y Xaréu nel Horru Simón José pon un taller de percusión tradicional y una pareya de gaita y tambor de la Banda Gaites Villaviciosa pon música a una visita guiada pelos horros de Rozaes.
URL:https://musicasturiana.com/evento/subi-a-la-tenobiera-en-villaviciosa/
LOCATION:Rozaes\, Rozaes\, 33313
CATEGORIES:Charres / Talleres / Proyecciones,Folk / Celta / Tradicional,Gaita
ATTACH;FMTTYPE=image/jpeg:https://musicasturiana.com/wp-content/uploads/2026/08/subi-a-la-tenobiera-rozaes.jpg
END:VEVENT
BEGIN:VEVENT
DTSTART;TZID=UTC:20260822T120000
DTEND;TZID=UTC:20260823T223000
DTSTAMP:20260820T093634Z
CREATED:20260820T093634Z
LAST-MODIFIED:20260820T093634Z
UID:52848-1787400000-1787524200@musicasturiana.com
SUMMARY:El Mercáu de Porrúa en Llanes
DESCRIPTION:Héctor Braga da los pregones\, baillen el GE L’Oriente – Llacón y Filandón\, hai asturianada con AICA y toquen Gaiteros Llacín\, Los Indianos La Maleta l’Agua y Los Gascones. \nSábadu 22\n12.30h Pregón d’Héctor Braga\n12.50h Grupu Etográficu l’Oriente – Llacín\n14.30h Filandón\n17.45h Pregón d’Héctor Braga\n18.00h La Bandina Llacín\n18.30h Tonada Asturiana con AICA\n20.00h Filandón\n23.00h Conciertu de Gaiteros Llacín\, Los Indianos La Maleta l’Agua y Los Gascones \nDomingu 23\n12.45h Pregón d’Héctor Braga\n13.00h Filandón\n14.15h Filandón\n17.45h Pregón d’Héctor Braga\n18.00h Gaiteros de Llacín\n18.40h Filandón\n20.15h Grupu Etnográficu l’Oriente\n21.00h Danza Prima con Filandón y GE L’Oriente\n21.30h Escenariu Abiertu pa la música y el baille \n  \n 
URL:https://musicasturiana.com/evento/el-mercau-de-porrua-en-llanes-2/
LOCATION:Porrúa\, Llanes
CATEGORIES:Festival,Folk / Celta / Tradicional,Gaita,Tonada / Asturianada
ATTACH;FMTTYPE=image/jpeg:https://musicasturiana.com/wp-content/uploads/2026/08/porrua-el-mercau-2026.jpg
END:VEVENT
BEGIN:VEVENT
DTSTART;TZID=UTC:20260822T120000
DTEND;TZID=UTC:20260822T140000
DTSTAMP:20260820T092353Z
CREATED:20260820T092353Z
LAST-MODIFIED:20260820T092353Z
UID:52843-1787400000-1787407200@musicasturiana.com
SUMMARY:AICA en Yernes y Tameza
DESCRIPTION:Actúen los cantadores Marina Carbajosa\, Valentín García y Juan José Patallo y a la gaita Xaime Menéndez\, nesti eventu entamáu por AICA (Asociación d’Intérpretes de Canción Asturiana).
URL:https://musicasturiana.com/evento/aica-en-yernes-y-tameza/
LOCATION:Cuevallagar\, Yernes y Tameza
CATEGORIES:Tonada / Asturianada
ATTACH;FMTTYPE=image/jpeg:https://musicasturiana.com/wp-content/uploads/2023/06/aica-logotipu.jpg
END:VEVENT
BEGIN:VEVENT
DTSTART;TZID=UTC:20260822T113000
DTEND;TZID=UTC:20260823T170000
DTSTAMP:20260819T125656Z
CREATED:20260811T052711Z
LAST-MODIFIED:20260819T125656Z
UID:52648-1787398200-1787504400@musicasturiana.com
SUMMARY:Fiesta de les Artes y Oficios Ancestrales n'Ayer
DESCRIPTION:Dende esti vienres 21 d’agostu hasta’l domingu 23\, La Pola Vieya\, nel conceyu d’Ayer\, celebra la Fiesta del Día de les Artes y los Oficios Ancestrales\, una folixa con una montonera d’actividaes gastronómiques\, teatrales\, culturales\, d’artesanía y musicales na que dellos artistes y agrupaciones de escena sonora n’asturianu tienen protagonismu. Asina ye como’l sábadu 22\, el gaiteru José Manuel Tejedor\, los grupos folclóricos Ayerán y Les Ayalgues d’Ayer\, la Banda Gaites El Gumial y Pandereteras de Somiedo van actuar na llocalidá ayerana. \nEnte la bayurosa programación\, la música’l país entama a sonar el sábadu a les 14h coles agrupaciones llocales Ayerán y Les Ayalgues; a les que van siguir la Banda Gaites El Gumial -tamién d’esti Conceyu y qu’asoleyó apocayá’l so primer discu Aire na rampla-\, y Pandereteras de Somiedo. Toes estes formaciones van desfilar pel pueblu a les cinco la tarde y repetir actuaciones a les 18.30h. \nYá pela nueche ye’l momentu de los conciertos. Nun primer momentu taba programáu’l de Nuberu pero\, como anunció la organización nes sos redes sociales\, el dúu «tuvo que suspender el so conciertu por mor del ingresu hospitalariu d’ún de los sos integrantes«. Sustitúyelos otru artista pernomáu de la música asturiana; el gaiteru avilesín José Manuel Tejedor que va actuar en formatu quintetu y facer un repasu a una trayectoria de más de 20 años que lu llevó a algamar los más prestixosos reconocimientos de la música tradicional\, a actuar per tol planeta col grupu Tejedor y a facer unos trabayos y collaboraciones que trespasaron fronteres y estilos. \n«El Pravianu» y acordionistes\nAmás de la xornada del sábadu\, el domingu 23 d’agostu esta Fiesta del Día de les Artes y los Oficios Ancestrales tamién da visibilidá a otres músiques populares d’Asturies. Asina ye como na sesión vermú el gaiteru Vicente Prado «El Praviano» va dar un monólogu asturianu y tamién actúa la Banda d’Acordiones de Villoria. Too esto forma parte d’una programación festiva na qu’hai DJs\, conciertos d’otros grupos\, exhibiciones d’oficios tradicionales y varies comides populares. Un exemplu de la evidencia de que la música asturiana pue compartir perfectamente espaciu con otru tipu d’actividaes nuna programación festiva popular.
URL:https://musicasturiana.com/evento/fiesta-de-les-artes-y-oficios-ancestrales-nayer/
LOCATION:La Pola Vieya\, La Pola Vieya\, Ayer
CATEGORIES:Festival,Folk / Celta / Tradicional
ATTACH;FMTTYPE=image/jpeg:https://musicasturiana.com/wp-content/uploads/2022/05/jose-manuel-tejedor-banda-2022.jpg
END:VEVENT
BEGIN:VEVENT
DTSTART;TZID=UTC:20260822T113000
DTEND;TZID=UTC:20260822T143000
DTSTAMP:20260416T101444Z
CREATED:20260410T100718Z
LAST-MODIFIED:20260416T101444Z
UID:49645-1787398200-1787409000@musicasturiana.com
SUMMARY:Xeitu n'Uviéu
DESCRIPTION:El grupu de baille tradicional Xeitu naz nel añu 2005 so la dirección de Paulino Santirso y María Vázquez\, dambos con trayectories bien relevantes nesti ámbitu. Col enfotu de caltener y espublizar la música y el baille tradicional asturianu\, y gracies a l’entusiasta llabor de los sos componentes\, anguaño amuesa una representación artísticu-escénica de la diversidá musical asturiana d’Oriente a Occidente.
URL:https://musicasturiana.com/evento/xeitu-grupo-tradicional-en-uvieu-7/
LOCATION:Uviéu\, Uviéu\, 33003
ATTACH;FMTTYPE=image/png:https://musicasturiana.com/wp-content/uploads/2026/04/x.png
END:VEVENT
BEGIN:VEVENT
DTSTART;TZID=UTC:20260821T203000
DTEND;TZID=UTC:20260821T213000
DTSTAMP:20260819T132028Z
CREATED:20260401T133422Z
LAST-MODIFIED:20260819T132028Z
UID:49324-1787344200-1787347800@musicasturiana.com
SUMMARY:Rollu Folk n'Ibias
DESCRIPTION:Conciertu d’esta formación qu’entemez la música asturiana de calter más tradicional cola sonoridá del folk noventeru d’asturies
URL:https://musicasturiana.com/evento/rollu-folk-en-xixon-7/
LOCATION:Bar Mikelo\, Santantolín d'Ibias
CATEGORIES:Folk / Celta / Tradicional
ATTACH;FMTTYPE=image/jpeg:https://musicasturiana.com/wp-content/uploads/2025/03/rollu-folk-tocando.jpg
END:VEVENT
BEGIN:VEVENT
DTSTART;VALUE=DATE:20260820
DTEND;VALUE=DATE:20260824
DTSTAMP:20260820T094447Z
CREATED:20260819T131634Z
LAST-MODIFIED:20260820T094447Z
UID:52821-1787184000-1787529599@musicasturiana.com
SUMMARY:XXXV Fiesta de la Sidra en Xixón
DESCRIPTION:Esti fin de selmana ye’l turnu de la XXXV Fiesta de la Sidra\, na que la música’l país va tar presente colos tradicionales Cancios de Chigre\, les actuaciones de cuatro bandes de gaites y\, per primer vez dende hai años\, el conciertu d’un artista contemporaneu: Ún de Grao\, \nDende esti xueves 20 hasta’l domingu 23 la Plaza Mayor\, la Playa de Pando («Poniente») y la Plaza’l Marqués acueyen la programación musical d’esta Fiesta d’Interés Turísticu. Les actuaciones entamen el día 20 a les 11.30h na Plaza Mayor con la Banda Gaites Saxum y continúen el vienres 21 nel Récord Mundial d’Escanciáu Simultáneu\, col que la villa de Xovellanos quier ha perpasar les 9.833 botelles escanciaes al empar p’asina algamar el récord. Nesta actividá -que ye les 20.30h na Playa de Pando– ponen música la Banda Gaites Noega y la de Llariegu de Sariegu. \nEl mesmu vienres 21 l’asturianada entemecida a ritmos como la bossa nova o’l rock progresivu va sonar nel escenariu de la Plaza Mayor gracies al conciertu que Ún de Grao\, artista moscón venceyáu a Xixón dende hai años. Y al día siguiente\, sábadu 22\, a les 21h son los tradicionales Cancios de Chigre. Nellos\, la Sociedad Torner dirixida por Carlos José Martínez fai una «escoyeta de testos y músiques pa la celebración d’esta xornada popular col protagonismu del públicu\, el mayor coru del mundu«\, como anuncia Divertia\, la empresa pública organizadora del certame. \nDía de la Sidra\nLa Banda de Gaites Villa de Xixón pon el ramu’l domingu 23 a esta celebración qu’axunta otra montonera d’actividaes. La formación tradicional va actuar dende les 12h a les 14h pente la Plaza’l Marqués y la Plaza Mayor animando’l Día de la Sidra\, nel qu’hai la preba de sidra nes casetes de los llagares participantes nuna de les cites icóniques del branu xixonés.
URL:https://musicasturiana.com/evento/xxxv-fiesta-de-la-sidra-en-xixon/
LOCATION:Xixón\, Xixón
CATEGORIES:Festival,Folk / Celta / Tradicional,Tonada / Asturianada
ATTACH;FMTTYPE=image/jpeg:https://musicasturiana.com/wp-content/uploads/2026/08/cartelu-fiesta-de-la-sidra-2026-xixon.jpg
END:VEVENT
BEGIN:VEVENT
DTSTART;TZID=UTC:20260815T203000
DTEND;TZID=UTC:20260815T220000
DTSTAMP:20260814T071246Z
CREATED:20260814T071246Z
LAST-MODIFIED:20260814T071246Z
UID:52716-1786825800-1786831200@musicasturiana.com
SUMMARY:Anabel Santiago en Caravia
DESCRIPTION:Anabel Santiago ye la cantante actual de tonada más reputada y popular\, amás d’una renovadora d’esti xéneru musical. Nacida n’Arxentina en 1981\, entamó a cantar con namás 13 años. En tou esti tiempu ganó una montonera de concursos de canción asturiana\, algamó premios musicales d’ámbitu asturianu y estatal; subió a milenta escenarios y participó n’estremaos proyectos como l’espectáculu ‘Torner’. La so discografía ye bayurosa y variada\, con 7 discos en solitario nos que la so voz suena tanto nes formes más clásiques de l’asturianada como amestándose a estilos tan estremaos como la electrónica\, el tango\, el country o’l pop.
URL:https://musicasturiana.com/evento/anabel-santiago-en-caravia/
LOCATION:Plaza de Caravia Alta\, Caravia
CATEGORIES:Folk / Celta / Tradicional,Tonada / Asturianada
ATTACH;FMTTYPE=image/jpeg:https://musicasturiana.com/wp-content/uploads/2022/10/anabel-santiago-1200x600-1.jpg
END:VEVENT
BEGIN:VEVENT
DTSTART;TZID=UTC:20260814T223000
DTEND;TZID=UTC:20260814T235900
DTSTAMP:20260813T081811Z
CREATED:20260813T081811Z
LAST-MODIFIED:20260813T081811Z
UID:52694-1786746600-1786751940@musicasturiana.com
SUMMARY:'Resollu' en Llanes
DESCRIPTION:Tres d’asoleyar el branu pasáu el so tercer discu\, Resollu\, la Banda Gaites Llacín sigue presentando en directo esti espectáculu qu’axunta a más de cien músicos y bailladores enriba l’escenariu. La próxima cita ye esti vienres 14 d’agostu a les 22.30h nel parking d’El Sablón de Llanes\, dientro de les celebraciones del Bandu de San Roque. \nCon Resollu la formación del conceyu llaniscu pon n’escena a una montonera d’artistes que formen parte del so últimu trabayu discográficu. Son delles les ocasiones nes que se punxo n’escena esti espectáculu\, destacando la presentación del mesmu en La Portiella\, la cita n’Arenas de Cabrales o’l conciertu de clausura de Les Xornaes de la Música tradicional Asturiana celebráu nel Teatru de la Universidá Llaboral de Xixón; una actuación que foi grabada por TPA pa la so posterior emisión especial como Conciertu d’Añu Nuevu 2026. \nEsti apueste musical amuesa una clara evolución nel camín entamáu nos dos discos anteriores\, con un conceptu que trata de poner un pie na tradición y otru na modernidá y la creatividá musical\, al traviés de distintos estilos que tomen como puntu de partida la música tradicional y folk. \nEl conciertu pon n’escena’l trabayu de sesenta de los componentes de la Banda Llacín xuntu con una trentena de músicos y danzantes\, en bona parte collaboradores participantes na grabación d’esti discu\, ente los que destaquen los componentes del grupu folk Felpeyu: Lisardo Prieto (violín)\, Ruma Barbero (bodhram)\, Diego Pangua (flauta trevesera)\, Luis Nicolás (guitarra)\, Aníbal Menchaca (baxu) y Alberto Ablanedo (bouzouki). \nA ellos súmense integrantes d’otres formaciones destacaes del panorama folk asturianu como Dani Álvarez (flauta travesera)\, Julio Rodríguez (bouzouki)\, Pepín de Muñalén (flauta trevesera)\, Xuan Nel Expósito y Txema Pires (acordión). El resultáu conceptual d’esti trabayu musical compleméntase cola participación de los teclaos de Richard García\, los vientos de Miguel Herrero (trompeta)\, Kiko Flores\, Fausto Salvent (saxo)\, Leo Pousa (trombón) y la batería y el baxu d’Israel Sánchez\, Guille Barrera y Sergio Rodríguez. La guinda del conciertu poner les participaciones de les voces de Xosé Antón «Ambás» y Lluci Palomares\, amás de les collaboraciones del Grupu Etnográficu l’Oriente-Llacín.
URL:https://musicasturiana.com/evento/resollu-en-llanes/
LOCATION:Parking d’El Sablón\, Parking d'El Sablón\, Llanes
CATEGORIES:Folk / Celta / Tradicional,Gaita
ATTACH;FMTTYPE=image/jpeg:https://musicasturiana.com/wp-content/uploads/2026/08/resollu-directu-promo.jpg
END:VEVENT
BEGIN:VEVENT
DTSTART;TZID=UTC:20260814T200000
DTEND;TZID=UTC:20260814T213000
DTSTAMP:20260522T062214Z
CREATED:20260522T055358Z
LAST-MODIFIED:20260522T062214Z
UID:50778-1786737600-1786743000@musicasturiana.com
SUMMARY:Taragañu n'Uviéu
DESCRIPTION:Taragañu ye una banda formada por componentes que vienen de grupos como Desaniciu\, Sin Emu\, Tygers of Wrath o Bristol Bulldogs y que ta influenciada por estilos que van del street punk y el Oi! al metal y el hardcore.
URL:https://musicasturiana.com/evento/taraganu-en-llangreu-2/
LOCATION:Sala Gong Galaxy Club\, Calle Julián Cañedo\, s/n\, Uviéu\, 33008
CATEGORIES:Rock / Punk / Ska
ATTACH;FMTTYPE=image/jpeg:https://musicasturiana.com/wp-content/uploads/2026/02/Taraganu-promo.jpg
END:VEVENT
BEGIN:VEVENT
DTSTART;TZID=UTC:20260813T120000
DTEND;TZID=UTC:20260814T213000
DTSTAMP:20260811T052201Z
CREATED:20260811T052201Z
LAST-MODIFIED:20260811T052201Z
UID:52644-1786622400-1786743000@musicasturiana.com
SUMMARY:Mercao de Somiedo 2026
DESCRIPTION:Otru añu más aporta esti 13 y 14 d’agostu a La Pola el Mercao de Somiedo\, eventu que cada añu axunta delles actividaes musicales\, lliteraries y d’artes escéniques\, amás de los propios puestos d’artesanía y gastronomía que formen el mercáu. La música n’asturianu va tener protagonismu abondo dientro la programación con cinco conciertos de música tradicional: Bandina Los Eólicos\, Pandereteros d’Anguañu\, Los Gascones\, la muestra ‘Ente tonaes y cancios’ y Pandereteras de Somiedo.\n\n \n\nEl xueves 13 la programación arranca a les doce la mañana cola apertura del mercáu y yá dende esi momentu la Bandina Los Eólicos de Tinéu va tar animando esti espaciu asitiáu na capital somedana. Tres de la celebración d’otres acitividaes gastronómiques y pa la reciella\, los conciertos vuelven a les ocho la tarde cola actuación de Pandereteros d’Anguañu\, tríu de música tradicional qu’apuesta por renovar la tradición con unes lletres actuales y crítiques.\n\n \n\nEl vienres 14 ye la bandina popular Los Gascones quien van tocar pel mercáu dende les 12h. La música’l país vuelve pela tarde cola muestra Ente tonaes y cancios\, entamada pola Asociación d’Intérpretes de Canción Asturiana (AICA) y na que participen Belén Arboleya a la gaita\, Fermín García al tambor y los cantadores Lorena Corripio y César González. La programación zárrase llueu cola actuación de Pandereteras de Somiedo.\n\n \n\nCon esti programa\, el Mercao de Somiedo sigue puxando pola música asturiana tradicional axuntándola a un bayurosu programa pa tolos públicos que fai que los sones del país s’espardan per esta fastera d’Asturies.
URL:https://musicasturiana.com/evento/mercao-de-somiedo-2026/
LOCATION:Mercao de Somiedo\, La Pola Somiedo\, 33840
CATEGORIES:Festival,Folk / Celta / Tradicional,Gaita,Tonada / Asturianada
ATTACH;FMTTYPE=image/jpeg:https://musicasturiana.com/wp-content/uploads/2026/08/mercao-de-somiedo-2026.jpg
END:VEVENT
BEGIN:VEVENT
DTSTART;TZID=UTC:20260812T120000
DTEND;TZID=UTC:20260812T130000
DTSTAMP:20260807T063953Z
CREATED:20260807T063953Z
LAST-MODIFIED:20260807T063953Z
UID:52589-1786536000-1786539600@musicasturiana.com
SUMMARY:Marisa Valle Roso en Xixón
DESCRIPTION:Marisa Valle Roso ye una de les voces más destacaes de la música asturiana. La so orixinal propuesta axunta canción d’autor\, pop y sonoridaes electróniques ensin escaecer la canción asturiana.
URL:https://musicasturiana.com/evento/marisa-valle-roso-en-xixon/
LOCATION:Plaza Mayor de Xixón\, Xixón\, 33201
CATEGORIES:Canción d'Autor / Pop-Rock
ATTACH;FMTTYPE=image/jpeg:https://musicasturiana.com/wp-content/uploads/2025/07/marisa-valle-roso-promo-cenicientes.jpg
END:VEVENT
BEGIN:VEVENT
DTSTART;TZID=UTC:20260809T120000
DTEND;TZID=UTC:20260810T130000
DTSTAMP:20260807T072425Z
CREATED:20260807T072405Z
LAST-MODIFIED:20260807T072425Z
UID:52606-1786276800-1786366800@musicasturiana.com
SUMMARY:44 Concursu de Canción Asturiana "El Comercio" en Xixón (entrega de premios)
DESCRIPTION:El Concursu de Canción Asturiana d’El Comercio ye’l decanu de los certámenes d’asturianada. La gala d’entrega de premios ye’l domingu 9 d’agostu.
URL:https://musicasturiana.com/evento/44-concursu-de-cancion-asturiana-el-comercio-en-xixon-entrega-de-premios/
LOCATION:Plaza Mayor de Xixón\, Xixón\, 33201
CATEGORIES:Festival,Tonada / Asturianada
ATTACH;FMTTYPE=image/jpeg:https://musicasturiana.com/wp-content/uploads/2023/07/concursu-cancion-asturiana-41-ediciion.jpg
END:VEVENT
BEGIN:VEVENT
DTSTART;TZID=UTC:20260808T123000
DTEND;TZID=UTC:20260808T223000
DTSTAMP:20260807T071920Z
CREATED:20260410T093548Z
LAST-MODIFIED:20260807T071920Z
UID:49620-1786192200-1786228200@musicasturiana.com
SUMMARY:XXIV Festival de la Sidra de Navia
DESCRIPTION:Del 6 al 9 d’agostu Navia acueye una edición nueva del Festival de la Sidra Villa de Navia\, eventu qu’axunta gastronomía y cultura nesta llocalidá del occidente asturianu. Como ye vezu dende hai unes ediciones\, la organización apuesta por programar música asturiana qu’esti añu va sonar el sábadu 8 con Cantares de Chigre\, música y baille tradicional\, Abéu y La Güeriata. \nL’actividá musical pa la mañana del sábadu dura de 12.30h a 14.45h y nella va haber cantares de chigre peles sidreríes de la villa animaos pol Ochote del Coru Villa de Navia\, la banda de gaites La Reina’l Truébano y el grupu de baille tradicional Ramón de Campoamor. \nPa la nueche son Abéu y DJ La Güeriata quien va xubir al escenariu asitiáu na Dársena de Navia. El grupu mozu xixonés de música tradicional va llevar los sones del so discu nuevu K-MUDAR a esta villa a les 21h\, mientes que la DJ de la Cuenca’l Nalón va pinchar los sones electrónicos y de músiques del mundu -ente les que suena la música asturiana- a les 22.30h.
URL:https://musicasturiana.com/evento/abeu-en-navia/
LOCATION:Festival de la sidra de Navia\, Navia\, 33520
CATEGORIES:Electrónica / Hip Hop,Folk / Celta / Tradicional,Gaita
ATTACH;FMTTYPE=image/jpeg:https://musicasturiana.com/wp-content/uploads/2026/04/festival-de-la-sidra-villa-de-navia.jpg
END:VEVENT
BEGIN:VEVENT
DTSTART;TZID=UTC:20260808T120000
DTEND;TZID=UTC:20260808T130000
DTSTAMP:20260724T064159Z
CREATED:20260724T064159Z
LAST-MODIFIED:20260724T064159Z
UID:52378-1786190400-1786194000@musicasturiana.com
SUMMARY:Picarós en Teberga
DESCRIPTION:Picarós nació nos valles del Trubia en 2021 col envís de buscar un soníu frescu y vibrante mediante la esperimentación sonora y l’amiestu de xéneros. Ente les sos influencies tán formaciones asturianes y foriates como Flook\, Michael McGoldrick\, Tejedor o Llan de Cubel. El so primer álbum\, Son d’Ermu\, grabáu nos TUTU Estudios ye una amuesa de la identidá musical y autenticidá que’l grupu quier reflexar\, con diez temes de composición propia qu’entemecen tradición y soníos contemporáneos.
URL:https://musicasturiana.com/evento/picaros-en-teberga-2/
LOCATION:Taberna Narciso\, C. Santiago García Fuente\, 8\, Teberga\, 33111
CATEGORIES:Folk / Celta / Tradicional
ATTACH;FMTTYPE=image/jpeg:https://musicasturiana.com/wp-content/uploads/2025/03/picaros-folkez-blai.jpg
END:VEVENT
BEGIN:VEVENT
DTSTART;TZID=UTC:20260807T223000
DTEND;TZID=UTC:20260807T233000
DTSTAMP:20260807T074420Z
CREATED:20260807T063836Z
LAST-MODIFIED:20260807T074420Z
UID:52383-1786141800-1786145400@musicasturiana.com
SUMMARY:Los Berrones en Pravia
DESCRIPTION:Los Berrones ye ún de los grupos más populares de la música asturiana. Son los padres del llamáu agro-rock\, o lo que ye lo mesmo\, rock fechu nun entornu rural y que reflexa nes sos lletres esa realidá que los arrodia. Formaos nel pueblu de Tolivia\, nel conceyu de Llaviana\, en 1987\, publicaron 10 álbumes d’estudiu y 1 en directo; compusieron éxitos como “Chacho” o “Nun Yes Tú” -del que vendieron más de 20.000 copies-; y caltienen hasta anguaño esi estilu inconfundible marcáu por un rock pa tolos públicos y unes lletres onde l’humor\, la ironía\, la realidá del mundu rural y tamién la crítica social\, dan forma a los sos cantares.
URL:https://musicasturiana.com/evento/los-berrones-en-pravia/
LOCATION:Parque Sabino Moutas\, Pravia
CATEGORIES:Rock / Punk / Ska
ATTACH;FMTTYPE=image/jpeg:https://musicasturiana.com/wp-content/uploads/2022/08/los-berrones-directo.jpg
END:VEVENT
BEGIN:VEVENT
DTSTART;TZID=UTC:20260807T190000
DTEND;TZID=UTC:20260807T210000
DTSTAMP:20260807T070558Z
CREATED:20260807T070558Z
LAST-MODIFIED:20260807T070558Z
UID:52592-1786129200-1786136400@musicasturiana.com
SUMMARY:Ana Lamela y Compañeras en Colunga
DESCRIPTION:Ana Lamela y Compañeras representen La Otra\, un espectáculu qu’entemez poesía\, música tradicional y lletres feministes. Ye una ampliación del poemariu La Otra d’Ana Lamela fechu a que\, partir de raigaños y problemátiques comunes d’un grupu de muyeres concretes\, torna más universal y diversa la imaxe de caúna y a la par de toles muyeres del mundu.
URL:https://musicasturiana.com/evento/ana-lamela-y-companeras-en-colunga/
LOCATION:Plaza Chile\, Plaza Chile\, Lliberdón (Colunga)
CATEGORIES:Canción d'Autor / Pop-Rock,Folk / Celta / Tradicional
ATTACH;FMTTYPE=image/jpeg:https://musicasturiana.com/wp-content/uploads/2022/01/ana-lamela-promo.jpg
END:VEVENT
BEGIN:VEVENT
DTSTART;VALUE=DATE:20260827
DTEND;VALUE=DATE:20260830
DTSTAMP:20260826T130805Z
CREATED:20260826T130741Z
LAST-MODIFIED:20260826T130805Z
UID:52968-1787788800-1788047999@musicasturiana.com
SUMMARY:XXXIII Feria Campomar en Tapia
DESCRIPTION:Xueves 27 \n19:00: Banda de Gaites “Marino-Tapiega”. Plaza del Ayuntamientu. \n22:00: BACOTEXO. Banda de rock Tapiega que canta todos os sous temas en eonaviego. Carpa asitiada na Plaza de la Iglesia. \nVienres 28\n19:15: Grupu de Baille Tradicional “Ramón de Campoamor”. \nSábadu 29\n12:30: Muyeres por Grau.\n13:30: Leirana en formatu tríu\nNa carpa asitiada na Plaza de la Iglesia. \n 
URL:https://musicasturiana.com/evento/xxxiii-feria-campomar-en-tapia/
LOCATION:Tapia\, Tapia\, 33740
CATEGORIES:Festival,Folk / Celta / Tradicional,Rock / Punk / Ska
ATTACH;FMTTYPE=image/jpeg:https://musicasturiana.com/wp-content/uploads/2026/08/XXXIII-Feria-Campo-Mar-cartelu.jpg
END:VEVENT
BEGIN:VEVENT
DTSTART;VALUE=DATE:20260806
DTEND;VALUE=DATE:20260811
DTSTAMP:20260807T061519Z
CREATED:20260724T064451Z
LAST-MODIFIED:20260807T061519Z
UID:52380-1785974400-1786406399@musicasturiana.com
SUMMARY:XXIX Festival Intercéltico d'Occidente en Tapia
DESCRIPTION:Tapia conviértese esta selmana na capital celta del occidente asturianu gracies a la XXIX edición del Festival Intercéltico d’Occidente\, Fiesta d’Interés Turísticu que va enllenar esta villa de conciertos\, esposiciones\, mercáu\, charres y talleres na Escuela Internacional de Música Folk y otres actividaes. Del 6 al 10 d’agostu la música n’asturianu va sonar con nueve actuaciones: Fitiriteres\, Bandina Los Collaínos\, Bandina Les Campes\, Grupu de Baille Tradicional Ramón de Campoamor\, Banda Gaites Camín de Fierro\, Grupu de Danza Tradicional Fitoria\, Picarós\, Corquiéu\, NosOtrestres y la formación astur-madrilana Xara. \nEl bayurosu programa entama’l xueves 6 a les 19h col llevantamientu de la bandera celta nel ayuntamientu y la inauguración del Mercáu Celta. A les 19.45h va inaugurase la esposición del 30 aniversariu de la Banda Gaites Villa Mieres y\, a les 20.30h\, l’Auditoriu de Tapia va acoyer\, con un donativu de 5 euros\, el conciertu de les pandereteres Fitiriteres (Asturies) y Donaire (Galicia). La xornada remata a les 23h nel Puertu de Tapia con una «verbena tradicional» al cargu de la Bandina Los Collaínos\, Bandina Les Campes\, Grupu de Baille Tradicional Ramón de Campoamor. Sicasí \nLa mañana del vienres 7 el Puertu de Tapia y les agrupaciones tradicionales van ser les protagonistes. A les 12.30h la Banda Gaites Camín de Fierro anima’l Puertu de Tapia; a les 19.30h el Grupu de Danza Tradicional Fitoria actúa nel Mercáu Celta y a les 20h Camín de Fierro faen otru pase nel cai. Los conciertos treslládense a les 22.30h a la Plaza Campogrande onde van actuar el tríu folk Picarós y la formación madrilana que tamién tien repertoriu asturianu Xara. \nEl sábadu 8 la música asturiana va sonar a les 22.30h na Plaza Campogrande col conciertu de la mítica banda folk Corquiéu y el domingu 9 les distintes agrupaciones tradicionales convidaes nesti XXIX FID’O van participar a les 12.15h nuna «Alborada del mar» y a les 14h na recepción municipal nel Ayuntamientu. Camín de Fierro actúa a les 20h nel Mercáu Celta y Fitoria nel Puertu de Tapia. Yá pela nueche\, a les 22.30h na Plaza Campogrande les pandereteres NosOtrestres ponen el ramu a los conciertos presentando’l so primer discu El son nos cantares de boda. L’eventu zárrase’l llunes 11 a les 14.30h cola baxada de la bandera celta. \nAmás de les formaciones asturianes\, son delles les bandes y artistes internacionales que participen nesta 29 edición del FID’O. La Bagad Arvorizion Karnag de Bretaña\, el grupu de danza gallegu Donaire\, l’agrupación irlandesa The Galway School Of Irish Dancing\, el bretón David Pasquet\, la banda escocesa Milngavie Pipe Band\, la mallorquina Xeremiers de Sóller y el grupu folk irlandés Backwest representen la conexón intercéltica nesti eventu. \nAmás\, el Festival Intercéltico d’Occidente vuelve a poner en marcha otru añu más la Escuela Internacional de Música Folk\, una programación de charres y talleres pa que la xente interesao en delles cuestiones culturales de los países del Arcu Atlánticu puedan afondar nello. L’aula va ser itinerante\, con actividaes repartíes ente la Plaza del Ayuntamientu\, l’Auditoriu de Tapia y el salón de plenos del Ayuntamientu. \nD’esta manera el xueves 6 a les 12h va haber un cursu de baille asturianu puesto por Ángel Ramón Herrera\, en compañía del grupu de baille de l’Asociación Fraternidad; el vienres 7 a les 20.30h na Plaza del Ayuntamientu hai una conferencia d’instrumentos musicales na tradición gallega; y el sábadu 8 a les 13.15h hai un cursu de baille irlandés.
URL:https://musicasturiana.com/evento/festival-interceltico-doccidente-en-tapia/
LOCATION:Tapia\, Tapia\, 33740
CATEGORIES:Festival,Folk / Celta / Tradicional
ATTACH;FMTTYPE=image/jpeg:https://musicasturiana.com/wp-content/uploads/2023/07/fido-escenariu.jpg
END:VEVENT
BEGIN:VEVENT
DTSTART;VALUE=DATE:20260804
DTEND;VALUE=DATE:20260810
DTSTAMP:20260807T063735Z
CREATED:20260807T063614Z
LAST-MODIFIED:20260807T063735Z
UID:52584-1785801600-1786319999@musicasturiana.com
SUMMARY:XXVI Festival Internacional de Gaites Villa de Xixón
DESCRIPTION:Hasta’l domingu 9 d’agostu celébrase en Xixón la XXVI edición de Festival Internacional de Gaites Villa de Xixón. Charres\, talleres\, desfiles\, actuaciones\, proyecciones y actividaes pa la reciella formen el programa d’esti eventu consolidáu nel calendariu de la escena tradicional y folk que va acoyer más de venti actuaciones repartíes ente la Plaza’l Parchís\, la Escuela de Comercu\, la Plaza’l Marqués\, los Xardinos de la Reina\, la Plaza del 5 d’agostu\, el Muru y el Náutico. \nTres de la presentación d’ayeri\, la programación arranca güei martes 4 a les doce’l mediudía con un taller pa la reciella de construcción d’instrumentos traddcionales. Va ser na Plaza’l Parchís\, onde se celebren la mayoría de les actividaes del eventu. D’esta manera ye como a les 13h d’esti martes actúa la Bandina Villa de Xixón; a les 18.30h Leirana y a les 20h la banda escocesa Milngavie Pipe Band; ente otres actividaes. \nEl miércoles 5 a les 12h toca la Bandina Villa de Xixón y a les 13h hai un taller de gaita y baille escocés. Pa les 18h proyéctase na Escuela de Comerciu’l documental Y agora que lo baillen los rapacinos. Lo llixero n’Asturies de l’Andecha Folclor d’Uviéu; a les 19.30h Ambás ya Ramsés dan la charra La Danza B.I.C y pa les 20.30h actúa la formación bretona Fest Noz Bagaz Arvorizion Karnag. \nLa programación del xueves 6 y el vienres 7 d’agostu ta protagonizada poles formaciones internacionales. A les actuaciones de la Milngavie Pipe Band y de la Bagaz Arvorizion Karnag súmense les de la gallega Banda de Gaitas Nova Fronteira y la mallorquina Xeremiers de Soller. Toes elles van desfilar el vienres a les ocho la tarde nel Desfile Intercélticu que percuerre de La Escalerona a la Plaza Mayor\, onde se celebra la Gala d’esti XXVI Festival Internacional de Gaites Villa de Xixón presentada por David Arango. \nLa programación remata’l fin de selmana con más pases de les agrupaciones internacionales\, que van compartir l’escenariu de la Plaza’l Parchís con un conciertu del pernomáu gaiteru José Manuel Tejedor (sábadu 8 a les 18.30h); el desfile de Cabezudos de la Banda Gaites Infantil Magüeta (domingu 9 a les 12h); xuegos tradicionales y comida popular; y el Conciertazu Pal Baille\, que va poner el ramu a les 18.30h del domingu a esti festival clásicu del branu xixonés entamáu pola Banda Gaites Villa de Xixón y col sofitu de Divertia y la Conseyería de Cultura\, Política Llingüística y Deporte.
URL:https://musicasturiana.com/evento/xxvi-festival-internacional-de-gaites-villa-de-xixon/
LOCATION:Xixón\, Xixón
CATEGORIES:Festival,Folk / Celta / Tradicional,Gaita
ATTACH;FMTTYPE=image/jpeg:https://musicasturiana.com/wp-content/uploads/2022/08/banda-gaites-villa-de-xixon-festival.jpg
END:VEVENT
BEGIN:VEVENT
DTSTART;TZID=UTC:20260801T210000
DTEND;TZID=UTC:20260801T235900
DTSTAMP:20260610T125348Z
CREATED:20260610T125348Z
LAST-MODIFIED:20260610T125348Z
UID:51258-1785618000-1785628740@musicasturiana.com
SUMMARY:A Veiga Rock n'A Veiga
DESCRIPTION:A Veiga Rock ye eventu que lleva’l próximu 1 d’agostu los soníos stoner\, punk\, folk\, hardcore\, metal… al recintu ferial d’esti conceyu del Navia-Eo. Dientro de la programación hai representación del rock fechu na llingua d’esi territoriu gracies a l’actuación d’Amarradizo.
URL:https://musicasturiana.com/evento/a-veiga-rock-na-veiga/
LOCATION:A Veiga\, A Veiga\, 33770
CATEGORIES:Festival,Rock / Punk / Ska
ATTACH;FMTTYPE=image/jpeg:https://musicasturiana.com/wp-content/uploads/2026/06/a-veiga-rock.jpg
END:VEVENT
BEGIN:VEVENT
DTSTART;TZID=UTC:20260801T113000
DTEND;TZID=UTC:20260801T143000
DTSTAMP:20260416T101448Z
CREATED:20260410T100513Z
LAST-MODIFIED:20260416T101448Z
UID:49643-1785583800-1785594600@musicasturiana.com
SUMMARY:Xeitu n'Uviéu
DESCRIPTION:El grupu de baille tradicional Xeitu naz nel añu 2005 so la dirección de Paulino Santirso y María Vázquez\, dambos con trayectories bien relevantes nesti ámbitu. Col enfotu de caltener y espublizar la música y el baille tradicional asturianu\, y gracies a l’entusiasta llabor de los sos componentes\, anguaño amuesa una representación artísticu-escénica de la diversidá musical asturiana d’Oriente a Occidente.
URL:https://musicasturiana.com/evento/xeitu-grupo-tradicional-en-uvieu-6/
LOCATION:Uviéu\, Uviéu\, 33003
ATTACH;FMTTYPE=image/png:https://musicasturiana.com/wp-content/uploads/2026/04/x.png
END:VEVENT
BEGIN:VEVENT
DTSTART;TZID=UTC:20260731T213000
DTEND;TZID=UTC:20260731T233000
DTSTAMP:20260423T101916Z
CREATED:20260423T101916Z
LAST-MODIFIED:20260423T101916Z
UID:50047-1785533400-1785540600@musicasturiana.com
SUMMARY:Grupu Folklóricu Trebeyu en Xixón
DESCRIPTION:Actuación d’esta agrupación xixonesa de baille y música tradicional.
URL:https://musicasturiana.com/evento/grupu-folkloricu-trebeyu-en-xixon-7/
LOCATION:Plaza Mayor de Xixón\, Xixón\, 33201
CATEGORIES:Folk / Celta / Tradicional
ATTACH;FMTTYPE=image/jpeg:https://musicasturiana.com/wp-content/uploads/2026/04/grupu-folcloricu-trebeyu.jpg
END:VEVENT
BEGIN:VEVENT
DTSTART;TZID=UTC:20260726T190000
DTEND;TZID=UTC:20260726T233000
DTSTAMP:20260716T132842Z
CREATED:20260716T132842Z
LAST-MODIFIED:20260716T132842Z
UID:52221-1785092400-1785108600@musicasturiana.com
SUMMARY:XXVII Nueche Celta de Granda en Xixón
DESCRIPTION:La parroquia xixonesa de Granda va volver enllenase de música de raíz el próximu 26 de xunetu\, a partir de les 19:00 hores\, cola celebración de la XXVII Nueche Celta\, una cita yá consolidada dientro de la programación de la tradicional del calendariu musical asturianu. El cartelu d’esti añu axunta a delles formaciones representatives del panorama folk asturianu\, combinando propuestes de baille tradicional\, música de raigañu y soníos contemporaneos dientro del xéneru. \nL’apartáu más venceyáu a la tradición va venir de la mano del Grupu Folklóricu Trebeyu\, encargáu de poner n’escena’l baille y el repertoriu de pandereteres\, elementos esenciales en cualquier Nueche Celta\, al traviés d’un taller de baille tradicional. Con una trayectoria vinculada a la recuperación y espardimientu del folclore asturianu\, Trebeyu va apurrir la parte más visual y participativa de la xornada. \nNel tarrén musical\, Herbamora va llevar la so propuesta basada na reinterpretación del repertoriu tradicional\, con arreglos curiaos y una sonoridá que combina lo acústico con matices actuales. Pela so parte\, Abéu va poner la nota moza na Nueche Celta. La formación aporta al eventu con una propuesta fresca dientro del panorama actual\, qu’entemez temes tradicionales con nueves composiciones\, calteniendo siempre la esencia de la música asturiana tradicional pero con un enfoque anováu. \nEl cartelu complétase con Mediarea\, banda gallega que va apurrir una visión más contemporanea del xéneru\, con composiciones propies que parten de la tradición gallega pero incorporen influencies modernes\, creando un directu dinámicu que conecta con públicos diversos.
URL:https://musicasturiana.com/evento/xxvii-nueche-celta-de-granda-en-xixon/
LOCATION:Carbayera de Granda\, Camín de Mareo a Granda\, Xixón\, 33391
CATEGORIES:Festival,Folk / Celta / Tradicional
ATTACH;FMTTYPE=image/png:https://musicasturiana.com/wp-content/uploads/2026/07/Ayudes-Musica.png
END:VEVENT
END:VCALENDAR