L-R anuncien los primeros conciertos de la xira ‘N.O.S’

Dende los recintos más grandes y espectaculares de tol mundu, hasta los teatros de corte íntimu y personal, Ara y el so violín son quien a enllenar cada requexu de sensaciones y emociones úniques. Son estos últimos espacios los que, poles sos dimensiones, creen un ambiente más acoyedor, con encantu y señardá. Un ambiente diferente que se tresllada tamién a la música, eterna conductora de sentimientos y sensaciones al públicu.

Misiva ye una de les bandes más renomaes de la escena rock n’asturianu. La so trayectoria principió en Grau en 2010 y ta marcada por facer un #punkrock rápidu y melódicu. Esti añu cellebraron el so décimu aniversariu asoleyando’l curtiumetraxe y EP ‘L’Últimu Aliendu‘. Participen n’Amosando con un repertoriu adaptáu al formatu acústicu que percuerre la so trayectoria

Bestiariu ye una de les propuestes musicales familiares más exitoses y orixinales de los últimos años. Son 3 CDs producíos por La Fabriquina qu’axunten 30 cantares pa la reciella compuestos por renomaos artistes del país. Alicia Álvarez de Pauline en la Playa (creadora de la iniciativa xunto a David Guardado) y David Varela (La Bandina, La Bonturné…) lleven dalgún d’estos temes al directo en formatu acústicu.


Edición 2020 completa

Esta grabación pon fin a la edición 2020 d’esti ciclu entamáu pola tienda online y distribuidora dixital musicasturiana.com, grabáu pol realizador Javier Lueje, patrocinada por Xixón Turismu, por Caxa Rural d’Asturies y col sofitu de la Conseyería de Cultura, Política y Llingüística del Principáu d’Asturies.

Dexa un comentariu

X