En 2022 creamos L’Ensame, la campaña de sofitu a musicasturiana.com a traviés de cuotes de socios y socies, que fuimos llanzando añu a añu. Nesti 2024 decidimos sacala a final d’añu con vistes a animar al consumu de música’l país nestes feches navidiegues. Dende güei y hasta’l 5 de xineru hai dos formes d’asociase a L’Ensame a preciu rebaxáu: cola renovación anual automática -enllenando esti formulariu: https://forms.gle/excJo1m9LcGdWpcs8– o con duración de les sos ventaxes durante un añu.
Les cuotes de sofitu son tres: 15 €, qu’inclúi un 5% de descuentu pa toles compres; 30 € (dempués del 5 xineru va costar 40 €), qu’inclúi un 10 % descuentu más 2 artículos de regalu ensin gastu d’unvíu; y 60 € (dempués del 5 xineru va costar 80 €), qu’inclúi un 15% de descuentu, 4 artículos de regalu y 1 exemplar del Anuariu de la Música Asturiana 2024 ensin gastos d’unvíu.
Ún de los oxetivos cimeros de L’Ensame ye animar al consumu de CDs, vinilos, llibros o artículos de merchandising. Gracies a la xente que s’asoció n’años anteriores los artistes y discográfiques del país vendieron más de 300 referencies más, convirtiéndose esta campaña nuna fonte de financiación afayadiza non namás pa musicasturiana.com, sinón tamién pa tola industria musical n’asturianu que forma parte del catálogu d’esta tienda.
Renovación automática y ufierta
La xente que quiera renovar tolos años la so aportación a esta campaña pue facelo enllenando esti formulariu: https://forms.gle/excJo1m9LcGdWpcs8 y va poder cancelar siempre que quiera la suscripción. Por último, sorrayar que les cuotes 2 y 3 tán rebaxaes hasta’l 5 de xineru; quien s’asocie dempués d’esa fecha va tener que pagar 40 € y 80 € por eses cuotes qu’hasta esi día cuesten 30 € y 60 €. La duración de les ventaxes ye dende güei y hasta’l 31 d’avientu de 2025.
Suscríbite a les nuestres novedaes
