Zona Oscura ye una banda d’Avilés que suena a rock urbanu con pingarates de blues, magar que faen un poquiñín de too, dende rock duru a una ranchera, con lletres iróniques, fondes, reivindicatives y risonderes. Asoleyen el primer discu en 2012, ganen dalgún premiu de música en directo, comparten escenariu con milenta bandes y espublicen el so trabayu caberu en payares de 2019. Tienen dellos cantares n’asturianu, nos que collabora xente de Dixebra y Los Berrones.