ALGAIRE – CD ‘Coral y Maera’

‘Coral y Maera‘, ye’l primer discu del cuartetu folk Algaire. Les pandereteres y cantantes Loreto Suárez, Iratxe Espina, Carla Miranda y el guitarrista Juan Yagüe formen esti discu mui ricu y variáu.

Partiendo de y calteniendo como base la música tradicional asturiana, Algaire busquen sonoridaes actuales y amiestos colos que poder llegar a un públicu que nun seya cercanu a esta. D’esti mou introducen arreglos que miren pa la música electrónica, pop, llatina y hasta la urbana.

Xunto a elles, collaboren los renomaos músicos José Manuel Tejedor, David Varela, Juanjo Díaz, Fruela 757, Richard García, J.C Vega “Cabín”, Xosé Antón “Ambás”, y los gallegos Gaudi Galego y Xabier Díaz, s’encarguen d’aportar la so esperiencia pa da-y más color a ún de los álbumes más esperaos del 2022.