Foron y son munches les propuestes de música d’espresión asturiana que lleguen a grabar dalgún discu o a esparder la so música al traviés de los medios dixitales y les plataformes habilitaes pa ello. Pero tamién foron abondos los solistes y bandes que nes últimes décades vieron cómo’l so trabayu nun diba más allá d’unes poques persones, cómo les sos grabaciones -caseres o más profesionales- nun salieron del local d’ensayu. Nesta estaya rescatamos dellos d’esos trabayos que quedaron amatagaos, tapecíos o escaecíos. Per otru llau, los conciertos son momentos únicos y irrepetibles que disfruta’l públicu asistente, equí vas poder sentir tamién delles grabaciones históriques rexistraes en festivales, alcuentros o actuaciones de formaciones y artistes del país.
Dende l’AMCA recuperamos y dixitalizamos l’únicu numberu de la revista qu’asoleyó la primer asociación de gaiteros del país.
A finales de los 70 nació’l dúu Huercu, que se reconvertiría en Güercu. Ufrimos un documentu sonoru y ún audiovisual d’aquelles esperiencies.
En 1979 nuna publicación del CNA apaez la etiqueta Rock Astur. Dixitalizamos esi artículu y repasamos la evolución d’esta denominación.
Con un soníu mui bonu, siguía afondando nel estilu particular d’una de les bandes más orixinales y innovadores que dio la música asturiana.
En 1975 Carlos Rubiera grabó nun llagar de Caldones el so primer single, editáu por Conceyu Bable. Dixitalizamos imáxenes d’esa grabación.
Actuaron Xentiquina, Felpeyu, N’Arba, Dixebra, Anabel Santiago, Adolfo Camilo Díaz, Héctor Braga, Delfín Valdés o Nel Amaro, ente otros.
