ASÓCIATE A L'ENSAME

L’Ensame ye la campaña de sofitu a musicasturiana.com. Calca na cuota que más te preste, pon los tos datos y asociate pa disfrutar de toles ventaxes.

VENTAXES DE L'ENSAME

Artículos de regalu

CDs, llibros, camisetes, vinilos… Mandámoste ensin gastu d’unvíu ente 2 y 4 artículos que tú quieras.

Descuentos

Facémoste un códigu de descuentu del 5% pa qu’uses toles veces que quieras.

Sorteos esclusivos

Participaciones pa los sorteos que vamos facer mensualmente namás pa xente asociao a L’Ensame. Gana discos, merchandising, llibros, entraes pa eventos…

Anuariu de la Música Asturiana

Pues recibir na to dirección ensin coste d’unvíu un exemplar físicu del Anuariu de la Música Asturiana.

Entérate de too

Recibe nel to corréu electrónicu la nuestra newsletter pa que pueas tar al día de tola actualidá de la música’l país.

¿Qué somos y qué facemos?

Musicasturiana.com ye’l mayor espaciu dixital dedicáu a la música n’asturianu y gallego-asturianu. Nacimos a finales de 2017 como tienda online y distribuidora dixital y nesti tiempu punximos a disposición de públicu de tolos países del mundu un catálogu formáu más de 380 referencies en formatu físicu y más de 350 llanzamientos en formatu dixital. 


Gracies a esi trabayu, ficimos que la música del país se sintiera dende más de 100 países, algamara más de 17 millones de reproducciones nes plataformes dixitales y se vendieran más de 2.000 CDs. Amás, en xunu de 2021 reconvertímonos y tamién creamos un mediu de comunicación con actualidá diaria sobre la música asturiana, damos agospiu al AMCA (Archivu de la Música Contemporánea Asturiana), tenemos una axenda actualizada d’eventos y trabayamos n’ampliación de la Guía de la Música Asturiana.

¿Por qué necesitamos el to sofitu?

Creemos que desendolcamos un llabor importante y necesariu pa los artistes d’esta escena, pa les persones que vos presta esti son y p’ayudar a esparder la música d’espresión asturiana y que llegue a más xente; pero esta xera nun se caltendría ensin un trabayu profesional detrás. Musicasturiana.com tien unos presupuestu anual eleváu y, pa poder financialo, necesitamos del to sofitu. Por eso ponemos en marcha L’Ensame, la campaña de socios y socies cola que naguamos por axuntar a 150 persones qu’ayuden a caltener el proyectu.

X