¿Qué ye?
L’AMCA ye un archivu de patrimoniu musical que tien l’enfotu de valir d’escaparate y estudiu de la llamada “música d’espresión asturiana” qu’a partir de 1974 – añu del orixe del asturianismu modernu cola creación de Conceyu Bable– apaez na escena del país y fai posible l’inxertamientu de la nuestra tradición sonora y de les nuestres llingües (asturianu y gallego-asturianu) na contemporaneidá musical.
¿Qué fai?
L’AMCA divulga, estudia y reflexona sobre los movimientos musicales y escenes sonores qu’apaecieron a lo llargo de les últimes cinco décades: Nuevu Canciu Astur, el folk celta/atlánticu, el Rock Astur, la tonada renovada, la electrónica de raigañu, el post-folk, etc. Too ello atendiendo tamién pal contestu históricu, social y cultural nel que se desendolcaron.
Pa ello cuéntase con un conxuntu de materiales bayurosu (cartelería, grabaciones, programes de mano, maquetes, cartafueyos, revistes, audiovisuales, semeyes…) y perinteresante (con bien de conteníos poco conocíos, inéditos y/o esclusivos) que van dándose a conocer a lo llargo de delles entregues añales.
Les Estayes
L’AMCA quier ser una ferramienta amañosa pa toes aquelles persones interesaes (aficionaes, estudioses, investigadores o intérpretes) na música asturiana contemporánea en cualesquier llugar del mundu, poniendo a la so disposición llibremente pa la so consulta tolos elementos que lu conformen. Asina ye como ta organizáu nestes cuatro estayes.
Un proyectu a comuña de
L’AMCA surde de la collaboración ente Goxe Producciones y Musicasturiana.com, ta dirixíu por Xune Elipe y dende mediaos de 2021 yá asoleyó más de 30 conteníos d’interés p’afondar nestos aspectos del patrimoniu musical asturianu.
Col sofitu de
