LOS BERRONES – CD ‘¿Onde Vas Con Eses Traces?’

Asina presenten los de Tolivia el discu: Les coses, munches veces, hai que dexales reposar… Esti discu tien bastante d’esi reposu y maceración que necesiten dalgunos temes. Como en tolos discos nuestros, hay unes vertientes que se mantienen: les canciones alegres y desenfadaes, los temes sociales y l’entornu rural nel que nos movemos. Hai un posu de desencantu col mundu que tamos viendo, col conformismu derrotista de la xente y a la vez los toques habituales d’ironía, desenfadu y buen humor. Contién, quiciabes, les lletres más trabayaes de tola discografía. Tamos contentos de celebrar 30 años con estos temes, creo que pueden definir, n’esencia, lo que ye Los Berrones.