LABshop en Xixón

Esti sábadu y domingu LABoral Centru d’Arte y Creación Industrial, en Xixón, acueye una edición más de LABshop, el mercáu de diseñu qu’entama cola participación de más de 60 artistes y marques y la programación de conciertos, sesiones vermú, documentales, talleres, meses redondes, actividaes pa la reciella, etc.

Dientro de l’axenda del eventu hai espaciu pa la música asturiana con dos actividaes el domingu 18: a les doce la mañana Pau Santirso y María Vázquez van poner un taller de baille tradicional y a les 13.30h DJ Fañagüeta va facer una de les sos sesiones, ente les que siempre suena dalgún tema de música de raigañu amestáu a sones electrónicos. Toles actividaes son de baldre.