Picarós n’Uviéu

Picarós nació nos valles del Trubia en 2021 col envís de buscar un soníu frescu y vibrante mediante la esperimentación sonora y l’amiestu de xéneros. Ente les sos influencies tán formaciones asturianes y foriates como Flook, Michael McGoldrick, Tejedor o Llan de Cubel. El so primer álbum, Son d’Ermu, grabáu nos TUTU Estudios ye una amuesa de la identidá musical y autenticidá que’l grupu quier reflexar, con diez temes de composición propia qu’entemecen tradición y soníos contemporáneos.