Llaciniegu, la romería del Llacín en Llanes

Esti fin de selmana L’Asociación Cultural Llacín amosa una nueva edición d’esti eventu, qu’arranca el viernes 4 cola presentación del discu Resollu de la Banda Gaites Llacín (a les 22h en La Vega La Portiella de Llanes), coles actuaciones de Felpeyu y Baxel. El sábadu, a les 12.00h, va inauguráse la esposición Porrúa en Bolas y va tener llugar la presentación d’Una Bola con Hestoria xunto a Puru Remangu. Tres de la entrega del bollu y una xinta nel prau la Bandina Llacín va actuar a les 19h, xusto enantes d’un taller de baille tradicional a les 19.30h col GE L’Oriente. Pa les 20.30h actúa la Banda Gaites Llacín, a les 20h hai Danza Prima – Al Son del Corru y a les 21.45h entama una Nueche en Danza amenizada pol GE L’Oriente y pol dúu Outru Andare, formáu por Alba Menéndez (6 Riales) y Sabu (D’Urria). Dempués, va dase pasu al conciertu d’Algaire, que van tocar a la medianueche enantes d’una actuación con DJ. Toles actividaes son de baldre.