Compañeras en Xixón

Formación de percusión tradicional y voz que faen nos sos conciertos un percorríu pela historia, usos y vezos de l’Asturies de los sieglos XIX y primeros del XX, al traviés de la música tradicional. Cada cantar del repertoriu acompáñase con una esplicación que dexa conocer ónde se recoyó, socesos históricos d’esa zona, trabayos característicos del llugar o forma de vida d’esi tiempu.

Esos cantares, polo xeneral, interpretábenlos muyeres qu’inventaben tanto la música como les coples, y aprovechaben el momentu del cantu pa cuntar lo qu’asocedía alredor, les sos vivencies y los sos sentimientos. D’ehí surde’l nome del espectáculu: Contar cantando.

Tán acompañaes por Andy Da Silva, Luis Pola y la pareya de baille Pablo y Nora.