XXIV Memorial Gaiteros de Llonín Pancho y Cundo en Cabrales

Esti sábadu 30, nel marcu del LIII Certamen del Queso Cabrales, celébrase’l XXIV Memorial Gaiteros de Llonín. Pancho y Cundo, una cita bien completa que dende les 18.30h va axuntar asturianada, gaita y baille tradicional nel Parque Públicu d’Arenas.

En primer llugar, va haber muestra de canción asturiana na que van participar Cristina Sánchez Sánchez, Lorena Corripio López, Manuel Arenas Pérez ya Isaac Sierra Longo, acompañaos de Ricardo Soberado a la gaita y Andrea Joglar al tambor.

Dempués, hai conciertu especial de la Banda de Gaitas El Trasno, con collaboraciones de Rubén Bada, Kike Dembinsky, Eva tejedor y les Pandereteres y una pareya de baile formada por Laura García y Florencio Moro.

Pa rematar, preséntase Jota y lo Mudáu, del Grupu Folklóricu Corri Corri, con Ricardo Soberado a la gaita y Javi Tejedor al tambor. Una xornada protagonizada polos sones de raigañu que dende la selmana pasada tán mui presente en Cabrales gracies a la programación del LIII Certamen del Queso Cabrales