« Todos los Eventos

  • Este evento ha pasado.

Skama la Rede n’Uviéu

marzo 20 - 21:00
Skama La Rede va celebrar en Kuivi Almacenes la so Folixa 20 años. Un conciertu bien especial pa festexar les dos décades de la banda enriba del escenariu y el so nuevu trabayu col mesmu nome. Un conciertu irrepetible de dos hores de duración cola collaboración de más d’una decena de collacios d’otres bandes asturianes y d’ámbitu estatal. La banda va ufiertar un repertoriu que va repasar toles époques del grupu. El DJ Avante’l Pueblu va encargarse d\’abrir y pesllar la Folixa 20 años.

Skama la Rede ye ún de los grupos referenciales de la segunda xeneración del Rock Astur. Músicos de Carreño y Gozón formaron en 2004 esta banda ska-punk influyía tamién pol folk asturianu, como demuestra l’usu de la gaita en toles sos composiciones. Tienen publicaos 4 discos d’estudiu, dellos singles y 1 compilatoriu pol so 15 Aniversariu. Nellos, rexistren un estilu inconfundible con unes lletres enllenes de reivindicación y nes que la crítica social y la ironía xueguen un papel bien importante. En 2010 ganaron el Premiu al Meyor Cantar en Llingua Asturiana.

Detalles

Recinto

  • Kuivi Almacenes
  • C. de Almacenes Industriales, 40
    Uviéu, 33012     + Google Map