Ferla Megía n’Uviéu

Ferla Megía ye un artista multidisciplinar que fusiona xéneros y influyencies, dende’l dembow, hip hop y trap hasta’l folk tradicional, trip hop, ambient y electrónica.

Nel actu de presentación del so vinilu, Ferla Megía va cuntar cola compañía de Tania Pereira y Rita Ojanguren, collaboradores en dos temes d’esti trabayu, y va interpretar dellos de los cantares que formen la obra, un discu nel que pue sentise electrónica, pop, música tradicional asturiana, reggaeton, boleru, canción d’autor… l’universu sonoru d’un artista vanguardista y multidisciplinar qu’aportó a la música’l país pa traer aire nuevo a la escena.