XUACU EL DE SAMA – Vinilu

Vinilu que recueye delles de les pieces más destacaes interpretaes por Xuacu El de Sama.

Esbillamos equí un testu de l’asturianada.com dedicáu a esti cantador:

«Pa los entendíos del tiempu, la de Joaquín Martínez González, Xuacu’l de Sama, fue la voz más impresionante de la tonada asturiana. L’amplitú del so rexistru vocal, la brillantez de les sos notes agudes y graves, el bon gustu nes sos interpretaciones, convirtiéronlu aína nuna figura solicitada pa tou tipu d’actuaciones de la década de los trenta.

Ñaciera’l 10 de mayu de 1900 n’Uviéu, fíu d’un canteru y una llabradora, pero dende temprana edá treslládase a Sama Llangréu cola so familia. Dende bien mozu apienza trabayar tamién como canteru ya ingresa nel Coru Santiaguín, nel que se forma musicalmente. Una grave enfermedá fizo que-y sobreviniera la muerte a los 35 años, nel cumal de les sos facultaes vocales, el 18 d’avientu de 1935.

A la gaita dexó rexistraes tonaes como “Que yo contiguo no igualo”, “Aquellos gües”, “Nun quieren que nos casemos” y “L’aire m’apagó lavela”. Y a voz sola, ente otres, “Viva la xente minera”, “Para castañes Tremañes”, “Les barandielles del puente”, “Que vas al Cristu”, “Cuatro chavales de Ceares”… La maestría de la so voz creó una amplia escuela de seguidores».