Actúen la Banda Gaites Marino Tapiega (xueves 27 a les 19h); Bacotexo (xueves 27 a les 22h); Grupu de Baille Tradicional Ramón de Campoamor (vienres 28 a les 19.15h); Muyeres por Grau (sábadu 29 a les 12.30h) y Leirana (sábadu 29 a les 13.30h).
Ana Lamela y Compañeras representen La Otra, un espectáculu qu'entemez poesía, música tradicional y lletres feministes.
Los Berrones son los padres del agro-rock, o lo que ye lo mesmo, rock fechu nun entornu rural y que reflexa nes sos lletres esa realidá que los arrodia.
Picarós nació nos valles del Trubia en 2021 col envís de buscar un soníu frescu y vibrante mediante la esperimentación sonora y l’amiestu de xéneros. El so primer álbum ye 'Son d'Ermu'.
El sábadu al mediudía Cantares de Chigre col Ochote del Coru Villa de Navia, la BG La Reina’l Truébano y GBT Ramón de Campoamor; Abéu toquen a les 21h y La Güeriata a les 22.30h.
El Concursu de Canción Asturiana d’El Comercio ye'l decanu de los certámenes d’asturianada.
Marisa Valle Roso ye una de les voces más destacaes de la música asturiana. La so orixinal propuesta axunta canción d'autor, pop y sonoridaes electróniques ensin escaecer la canción asturiana.
Actúen el xueves 13 la Bandina Los Eólicos (12h) Pandereteros d'Anguañu (20h) y el vienres 14 Los Gascones (12h), ye la muestra 'Ente tonaes y cancios' (20h) y Pandereteras de Somiedo.
Taragañu ye una banda formada por componentes que vienen de grupos como Desaniciu, Sin Emu, Tygers of Wrath o Bristol Bulldogs y que ta influenciada por estilos que van del street punk y el Oi! al metal y el hardcore.
La Banda Gaites Llacín interpreten el so discu nuevu, Resollu, nun conciertu perespecial nel que van participar los sesenta componentes d’esta formación xunto con una trentena de músicos y danzantes ente los que s’inclúin dalgunos de los nomes más destacaos del folk asturianu. Nesta cita tamién van tocar Felpeyu.
Anabel Santiago ye la cantante actual de tonada más reputada y popular, amás d’una renovadora d’esti xéneru musical. Nesti espectáculu actúa en formatu cuartetu.
Del xueves 20 al domingu 23 actúen Saxum, Noega, Llariegu y Villa de Xixón, Ún de Grao y hai Cancios de Chigre.
