Alicia Villanueva en Piloña

Alicia Villanueva (Bimenes, 2000) entamó a cantar tonada con namás 9 años. Alumna d’otra figura pionera –Anabel Santiago– y nieta y bisnieta de dos muyeres cantores d’asturianada, tien participao en concursos de canción asturiana dende que yera una neña, clasificándose nos primeros premios en varios d’ellos como’l II Premiu d’Asturianada Obdulia Álvarez «La Busdonga», el XXXIX Concursu de la Canción Asturiana de El Comercio, el XXII Concursu de Tonada de La Nueva o’l XI Concursu de Canción Asturiana Conceyu de Siero. Ye ensin dulda, ún de los nomes de futuru de l’asturianada.