Bacotexo n’A Caridá

Presentación del discu Hai úa lluz que sempre acaba salindo de Bacotexo, un grupu de rock formáu en 2007 en Tapia. Les sos señes d’identidá más representatives son les de cantar n’eonaviego -porque ye l’únicu grupu de rock que lo fai actualmente nesta llingua– y el facer un rock clásicu influyíu por bandes anglosaxones como Queen, Led Zeppelin o Muse. Tienen cinco discos publicaos y nellos rescampla la calidá d’unes lletres que ponen en valor a la lliteratura en gallego-asturiano, con testos d’escritores como María José Fraga o Ricardo Saavedra, el baxista del grupu. Recibieron delles nominaciones a los AMAS y al Premiu al Meyor Cantar.