Bailla na Plaza Solidariu en Carreño

Una clase de baille tradicional asturianu na que pueden participar toles persones que quieran baillar; tanto xente que yá sabe los pasos más avezaos del baille’l país como quien nunca bailló y siempre tuvo gana de deprender. Asina ye’l formatu del Bailla na Plaza Solidariu qu’esti sábadu 20 a les doce‘l mediudía entama na Plaza La Baragaña de Candás el Grupu de Baille Tradicional San Félix.

sti eventu -qu’entamó a facese en 2016- tien amás un calter solidariu y esta vegada va dir en sofitu a El Ángel de Javi, iniciativa d’apoyu a Javi, un neñu asturianu d’ocho años «enllenu de vida, allegría y pasión pol fútbol» -como comenten dende San Félix- qu’en febreru de 2025 recibió un diagnósticu que cambió la so vida y la de la so familia: nedamss; una enfermedá xenética ultrarrara, neurodexenerativa y devastadora.

La iniciativa cunta col sofitu del Conceyu Carreño y dende’l grupu de baille tradicional candasín despliquen qu’hai «tres maneres de collaborar con El Ángel de Javi nesta xornada solidaria: enllenando les buchaques que va haber en La Baragaña mientres dure la xera; faciendo bizum solidariu al númberu 12967; o per tresferencia bancaria al ES29 2100 5700 0102 0038 1137″.