Bango en Siero

Bango ye’l nome artísticu de Pablo Bango, gaiteru tituláu nel Conservatoriu Profesional de Música de Xixón na especialidá de gaita. La innovación ye la pallabra qu’acompaña a so propuesta, caracterizada por amestar esti instrumentu tradicional y la flauta a otres sonoridaes y instrumentos como los pianos, sintetizadores, voces y percusiones tribales.

En xunetu de 2023 salió a la cai Soul Dream, el so primer trabayu. L’EP ta formáu por seis pieces qu’entemecen estilos como’l folk, el rock, el hip hop, la música celta y la new age. Too ello cola gaita como puntu d’alcuentru.