‘Cantares de… y pa neñ@s’ de Fernando Valle Roso y Silvia Moreno en Xixón

Cantares de… y pa neñ@s, ye l’espectáculu y discu conxuntu de Fernando Valle Roso y Silvia Moreno. El dúu interpreta pieces tradicionales pa la reciella que presenten asina:

«La música asturiana cuenta con bien de cantares empleaos por neños, rapazos y mozos nos sos xuegos y actividades cotidianes. La radio y la televisión fueron arrequexando col tiempu estos cantares tradicionales, faciendo que la xente los escaeciera en beneficiu d’otros sones y d’otros cantares. De manera que, d’entós p’acá, varies xeneraciones d’asturianos perdieron dafechu’l contactu con ellos, a nun ser nel círculu familiar o d’amistá más cercanu.

Esti proyectu nació fai años como conciertu didácticu col oxetivu de tresmitir estos cantares nos centros escolares asturianos a les futures xeneraciones».