El Arca de Mozart en Noreña

El Arca de Mozart ye un grupu musical y pedagóxicu qu’esplora tipos estremaos de música al traviés de conciertos, talleres, espectáculos, cuentos y canciones.

Al poco d’escribir Pachelbel el Canon, celebróse’l primer Carmín en La Pola; el mesmu añu que llegaba la primer locomotora a Asturies, Beethoven escribió la so Sesta Sinfonía; cuando Xovellanos llegó a Madrid, ellí taba Boccherini escribiendo’l so Minueto… Entós, ¿cómo podía ser un conciertu de Vivaldi si dalguién-y llega a xiblar el Xiringüelu? ¿El Pa Elisa de Beethoven podía ser Pa Cuadonga? O ¿cómo diba sonar una sinfonía de Mozart si esti llega a disfrutar d’un Pericote en directo?

L’Arca de Mozart fusiona en Si Beethoven fuera asturianu delles pieces del repertoriu asturianu y les grandes obres de música clásica pa contestar a toes estes preguntes y presentar propuestes musicales disparataes que combinen historia, tradición y humor.