III Alcuentru de Folclor de L’Infiestu

Torna l’Alcuentru de Folclor de L’Infiestu, eventu entamáu por La Benéfica qu’axunta agrupaciones y persones rellacionaes cola música y balle de raigañu mesmo d’Asturies qu’otres d’otros comunidaes culturales. D’esta manera, el 20 de setiembre a la hora’l vermú «tornen les gaites, los cantares y les pandereteres a L’Infiestu pa sentir la música peles chigres y cais», como comenten dende la organización.

«Esti añu ye más especial, coincide coles Xornaes del Vigulín, asina que convidámosvos a pasar tol fin de selmana en Piloña, esfrutando de la música y el bon ambiente», publicó tamién La Benéfica nes sos redes sociales. Amás, abren la participación al eventu: «Si quies venir col tu grupu y necesites que t’ayudemos a xestionar la to estancia, escríbenos a [email protected]». Asina ye como’l movimientu asociativu de Piloña sigue puxando pola cultura tradicional con actividaes yá consolidaes y con bona respuesta de públicu.