‘L’alcuentru’ en Siero

A les 20h del vienres entama’l I Alcuentru Folclóricu de Siero. Nél participen les agrupaciones llocales GFI El Ventolin (La Pola), El Piñote (Argüelles), Cuélebre, La Sidrina y Principado (Llugones), amás de la banda de gaites Xiranda de Cualloto. Nesti eventu gratuitu entamáu pola Fundación Municipal de Cultura de Siero «caún de los grupos/bandes fadrá una muestra de la so forma d’interpretar el baille y la música tradicional, y dempués, habrá d’alguna sorpresina», comenta El Ventolín nes sos redes sociales.