Rafa Lorenzo en Balmonte

Conciertu homenaxe a Xosé Álvarez, Pin, al cargu de Rafa Lorenzo. Rafa Lorenzo ye ún de los pocos músicos pertenecientes al Nuevu Canciu Astur qu’inda ta güei n’activo. Orixinariu de Tinéu, foi l’únicu cantautor d’esti movimientu que yera del occidente del país y que cantó na variante occidental de la llingua asturiana. Con unes lletres comprometíes socialmente, a lo llargo de la so trayectoria reivindicó la cultura vaqueira y el mundu rural. Tien 9 discos publicaos y en 2017 llevó’l Premiu Nacional Tino Casal na categoría de “Meyor Canción d’Autor”.