Universu Damián n’Avilés

El pasáu 5 de febreru finó n’Avilés Damián Barreiro Maceiras (A Estrada, 1984), periodista y ensayista referente na cultura asturiana, amás de militante de la Xunta Pola Defensa de la Llingua Asturiana. Pa facer alcordanza d’una persona fundamental y queridísima dientro del asturianismu, el colectivu nel que militaba entama’l vienres 2 de mayu na Casa la Cultura d’Avilés l’actu Universu Damián, nel que «va haber alcordances, amigos y amigues… y música en directo«, como avancen dende la XPDLA. L’actividá entama a les 19.30h y la entrada ye llibre hasta enllenar l’aforu.