Vero Rubio en Xixón

Vou ye un proyectu multidisciplinar de música, palabra y imaxe. Les lletres y los poemes, la música y les imáxenes tán pensaes pa llegar a una mesma idea. Cantares que falen sobre’l sentimientu d’aceptación, de rabia o de paz compuestes nel asturianu de Cangas del Narcea y que van acompañaes d’imáxenes proyectaes.

Nel escenariu, acompañen a Vero Rubio un tríu de cuerda y una cantante.

Vero Rubio ye una multiinstrumentista que toca’l pianu, la trompeta, la trompa y el bodhram. La so carrera desenvuélvese ente’l mundu de la música clásica, onde tuvo la oportunidá de tocar con orquestes como la Orquesta Sinfónica de Barcelona y Nacional de Catalunya (O.B.C.), y el del jazz. Anguaño, toca en dellos grupos de distintos estilos (folk, rock, improvisación llibre, jazz…): Orquesta Céltica Asturiana, Sonámbulos, Improviso… Amás compaxina esti llabor como instrumentista cola composición y producción de la so música de manera independiente.