Abéu ye un grupu folk compuestu por xente mozo, onde la percusión xuega un papel protagonista.

El so repertoriu ta formáu por cantares pertenecientes a la música tradicional, na so mayoría asturiana, que tien como oxetivu romper cola mesma, ufiertando un enfoque diferente y afecho al contestu musical actual.

La gran mayoría de los temes respeten la estructura tradicional, y poro resulta bien afayadizu pa eventos nos que se precise de repertoriu enfocáu al baille.

La motivación de los sos integrantes ye llevar la música tradicional a les xeneraciones d’anguaño, dotándola d’un enfoque modernu. A la fin, l’oxetivu d’esta propuesta musical ye fomentar esti xéneru musical, de cutiu invisible, dando-y visibilidá dende los escenarios de festivales como l’Arcu Atlánticu de Xixón, Festival Internacional de la Gaita (FIG) de Villaviciosa o chigres tan emblemáticos como’l Corquiéu.