Al Son. Fancín Folk (Num.0)

El primer intentu d’una publicación dedicada dafechu a la música d’espresión asturiana tuvo a un fancín, de nome Al Son, como referencia. Editáu pol colectivu avilesín L’Esperteyu, centrábase nel mundu de la música folk y tradicional que se facía n’Asturies.

 

Pente les sos páxines podemos alcontrar entrevistes, cróniques de conciertos, crítiques de discos, reportaxes y delles secciones más. Tampoco faltaron los artículos sobre otres realidaes musicales, casu de la Nueva Canción occitana o’l folk escocés. Na nómina de collaboradores figuraben nomes bien conocíos de la escena musical asturiana como Ignaciu Llope, Antón Barquero (Balandrán), Xune Elipe (Dixebra) o Vítor Álvarez (Xéliba).

 

Equí pues lleer el númberu 0, qu’asoleyó en xunu de 1990.

 
X