El proyeutu Fontoria ñaz na primavera de 2017 nel conceyu Piloña (Asturies), pero nun ye hasta la seronda d’esi mesmu añu cuando llogra consolidase en forma cuartetu. El grupu algama tintes progresivos ensin escaecer los sones más tradicionales, entamando a facer un batulax coles músiques d’otros llugares como Breizh, El Piamonte italianu o la música tradicional d’Europa central, metiéndose n’ocasiones nel neoclasicismu, el folk barrocu de los 60 y 70 del sieglu XX, asina como dalgún esperimentu cola música de vanguardia.

 

Tienen dos trabayos asoleyaos: ‘Nordés’ (2019) y ‘El máxicu viaxe de Fionna de Morlay’ (2020). El so nuevu discu, ‘Sirio’, va ser un discu doble que saldrá al mercau na seronda de 2021. Con ‘Nordés’ tuvieron nominaos a los premios AMAS de la música asturiana na categoría de “Meyor canción folk 2019” col tema “Canciu a mio pá”. Con ‘El máxicu viaxe de Fionna de Morlay’ son nominaos na estaya de “Meyor discu folk 2020”.

Contratación

Redes sociales

Discografía

El máxicu viaxe de Fionna de Morlay

2020, Autoedición

Nordés

2019, Autoedición

Videoclips

X