La guía de musicasturiana.com
Ye’l directoriu más completu de la escena musical asturiana. Anguaño ta en construcción y va materializase nuna guía impresa en formatu físicu, amás d’esta web a mou de catálogu online.
Ye un reflexu d’un sector tan vivu como esti; tien utilidá pa la industria musical, pa programadores culturales públicos y privaos y pal públicu; contribúi a crear Marca Asturies y a visibilizanos y representanos dientro y fuera de les nuestres fronteres.
¿Por qué ye necesaria esta guía?
La escena musical n’asturianu ta pasando per un momentu de muncha vitalidá y dinamismu, pero tenemos munchos problemes que queremos solucionar:
01.
Hai falta de visibilidá y desconocimientu.
Por eso recoyemos propuestes artístiques y d’eventos; pa que públicu y programadores conozan lo que se ta faciendo y asina aumente’l consumu de música asturiana.
02.
Hai falta d’información y interrellación.
Por eso ufrimos un directoriu con recursos culturales de too tipu; pa que programadores tengan más facilidá pa contratar los recursos que necesiten y pa qu’empreses y artistes tengan a mano ónde ufrir los sos servicios.
03.
Hai falta de representación.
Por eso ponemos en valor a la música asturiana; pa crear una imaxe de Marca Asturies Cultural que nos unifique, visibilice y represente esternamente en feries y congresos culturales. Que sirva tamién como reclamu turísticu y como elementu d’arguyu y identidá pa la sociedá asturiana.
04.
Hai falta d’igualdá respecto a otros actores.
Por eso creamos esti catálogu pioneru; pa que la escena musical d’Asturies tea a la mesma altura qu’otres escenes vecines que sí que tienen les sos propies guíes y d’otros sectores económicos que tamién cunten con directorios asemeyaos.
¿Y esto pa qué val?
SIENTI quier facer más fácil el trabayu de les distintes persones vinculaes a la industria cultural. Tien una utilidá evidente que pue vese claramente con exemplos como estos:
Si soi un programador públicu o priváu:
¿a qué artistes pueo llamar? ¿con quién contrato l’equipu de soníu? ¿ónde pueo alquilar baños portátiles?
Si soi públicu:
¿qué grupos pop hai? ¿a qué festivales pueo dir en marzu? Si soi de Colunga, ¿cuántos eventos hai pel Oriente a lo llargo l’añu? Y si toi de visita per Asturies en xunetu ¿a qué Nueche Celta pueo dir?
Si soi artista:
¿en qué sales pueo tocar? ¿quién pue grabame un videoclip? ¿ónde fabrico’l merchandising? ¿quién organiza esi festival nel que me prestaría tocar?
Si quiero ser parte d’esta escena:
¿en qué escuela deprendo a tocar la pandereta? ¿ónde merco una mesa de mezcles? ¿y p’alquilar un traxe tradicional?
Si soi empresa:
pueo ofrecer fácilmente los mios servicios nes “páginas amarillas” de la música asturiana pa poder tener más oportunidaes de negociu.
Si voi a representar a Asturies nel Womex, en Fitur, nel BIME o en Lorient:
Pueo amosar nun únicu catálogu tola vitalidá de la escena musical asturiana p’ayudar a esportar la música d’equí, amás d’atraer a públicu. Si gallegos, andaluces o valencianos lleven años faciendo esto y ta dándo-yos resultaos, n’Asturies nun vamos ser menos.
Necesitamos texer redes y con SIENTI algamamos too esto
Unificamos, visibilizamos y interrellacionamos al sector
Xeneramos riqueza y oportunidaes de negociu
Diagnosticamos y cartografiamos a la escena
Simplificamos el trabayu de quien forma parte d’esta industria
Aumentamos el públicu y el consumu d’esti son
Ponemos en valor la música como un elementu d’asturianidá
Ayudamos a qu’esta industria seya más fuerte y estable
Un proyectu seriu y profesional
SIENTI ye la guía de Musicasturiana.com, la web de la música n’asturianu. Ye un mediu de comunicación, tienda online, distribuidora dixital y axente dinamizador de la escena que lleva trabayando dende finales 2017. Somos una empresa única, constante, profesional, que cree no que fai y que xeneramos valor a la escena como lo demuestren estos datos:
Años de constancia (dientro d’una trayectoria vinculada a la cultura de 20 años)
Organizamos el ciclu Amosando y el Semando Fest
¿Quies apaecer y/o anunciate en SIENTI?
Confía en nós p’anunciate nesta Guía necesaria, orixinal, cuidada y ambiciosa que continúa’l nuestru camín de puxar pola música asturiana
¿Quies más información o tienes dudes? Contáctanos
Si quies sofitar económicamente SIENTI y recibir un exemplar físicu na to dirección pues facelo mercando una d’estes cuotes d’apoyu
Noticies
