El XVIII Festival Internacional de la Mázcara Ibérica (FIMI) va celebrase n’Asturies ente los díes 12 y 20 de xunu. Ente les actividaes hai un conciertu especial de Felpeyu, cine, meses redondes, presentaciones, charres y conferencies, alcuentros, una esposición y el desfile internacional de la mázcara ibérica.
Actúen el sábadu Muyeres por Grau y Leirana y el domingu Pandereteras de Somiedo y Alba Menéndez.
Xornada que fai «un viaxe a la escencia de l’asturianada» y na que va poder deprendese sobre la «hestoria, tradición y voces que caltienen viva» la forma más vieya de cantar n’Asturies.
Laura Ruiz, Mónica Vega y Candela Pidal formen esti grupu de música tradicional que yá tien un discu grabáu, 'El son nos cantares de boda'
Hai taller de baille de Nel Villanueva acompañáu por Muyeres por Grau y actúen Leirana y María Trubia & Pau Santirso.
Ferla Megía ye un artista multidisciplinar que fusiona xéneros y influyencies, dende’l dembow, hip hop y trap hasta’l folk tradicional, trip hop, ambient y electrónica.
La propuesta "agro-folk-rock" de Raigañu caleya pente’l folk-rock, el punk y la música tradicional, col protagonismu d’una sección de vientos. Nes lletres rescampla un mensaxe de crítica social y costumismu, too ello enlleno d’ironía y col mundu rural como escenariu.
