Folk / Celta / Tradicional

Sobre'l ritmu de les panderetes y d'instrumentos como'l morteru, la llata pimentón y les cuyares, 6 Riales reinventa la tradición ensin perder la so esencia. Nel so repertoriu tienen música pa baillar, cantares de fuera d'Asturies y composiciones propies.

Cuartetu de folk pal baille.

Baxel ye'l proyectu conxuntu del guitarrista, bouzuquista y cantante Paul Balmori y el flautista y gaiteru Rigu Suárez -dambos miembros de Corquiéu-. Folk de cámara que recupera la tradición musical de Ribeseya.

Autores en Camín: La Bonturné ye’l proyectu bal-folk de trés de los músicos más renomaos del folk asturianu -David Varela, Santi Caleya y Merce Santos- xunto a David Casillas. El so repertoriu ta formáu por temes de tastu popular iguaos pal baille.

El Grupu d'Investigación Etnográfica Los Concetsones presenten el bail.le del puntu con proyecciones de vídeos d'archivu y una reconstrucción de Vezos Astures.

El GBT Fitoria organiza la so espicha añal coles actuaciones de música tradicional de Los Gascones, Fitiriteres, Los Llerones y Rellume.