Rock / Punk / Ska

Diañu Blues nació en Xixón en 2017 y tienen la particularidá de ser la primer -y única- formación n’interpretar blues cantando dafechu n’asturianu.

Lïbre ye cuartetu de rock alternativu formáu por componentes de Misiva, Mala Reputación, Origen y Desakato que s’alcuentra anguaño presentando’l so primer EP, Ciudadano Lunar, nel qu’entemecen temes en castellanu y n’asturianu, ente ellos, ‘L’Ablugada’, que foi nomináu al XVII Premiu Camaretá al Meyor Cantar.

Taragañu ye una banda formada por componentes que vienen de grupos como Desaniciu, Sin Emu, Tygers of Wrath o Bristol Bulldogs y que ta influenciada por estilos que van del street punk y el Oi! al metal y el hardcore.

Skama la Rede ye ún de los grupos referenciales de la segunda xeneración del Rock Astur. Músicos de Carreño y Gozón formaron en 2004 esta banda ska-punk influyía tamién pol folk asturianu.

Asturtralla ye ún de los primeros grupos qu’hubo de punk-rock n’asturianu. Entamaron a ensayar en 1994 n’Avilés, grabaron un par de maquetes y participaron nel compilatoriu ‘Sáca-yos la Llingua‘. En 2021 volvieron a l'actividá dempués de 27 años ensin tocar.