La Bonturné ye’l proyectu bal-folk de trés de los músicos más renomaos del folk asturianu -David Varela, Santi Caleya y Merce Santos- xunto a David Casillas. El so repertoriu ta formáu por temes de tastu popular iguaos pal baille.
Dientro del III Semando Fest va celebrase la Semando Folk Session, una oportunidá pa que toles músiques y músicos mozos que quieran, andechen pa interpretar a comuña los sos temes preferíos de la música tradicional y folk asturiana.
Skontra ye ún de los grupos n’activo más veteranos de la escena de rock n’Asturies. Formaos en Xixón en 2001, lleven tou esti tiempu faciendo punk-folk pero, en cuenta de beber de los sones celtes d’Escocia o Irlanda, ellos miren pa casa y componen les sos canciones partiendo de la tradición sonora asturiana.
Na tercer edición del festival de música moza n'asturianu van tocar Abéu, Ferla Megía, Alienda y Melandru pa siguir amosando la diversidá y el futuru de la escena.
¡ENTRAES AGOTAES! Conciertu solidariu coles persones afectaes por la DANA nel que van actuar Antía Euseve, Entrañables, Ferla Megía, Rodrigo Cuevas, Vaudí y Xuacu Amieva.
Grupu de música tradicional: xiblata, panderetes, voz y otres percusiones.
Leticia Baselgas presenta xunto a Alicia Álvarez el so primer llibru, 'Diarios d'una panderetera', editáu por La Fabriquina.
Bimenes Underprau ye un proyectu d'electrónica y hiphop con lletres n’asturianu de calter políticu y reivindicativu.
Grupu de música tradicional: xiblata, panderetes, voz y otres percusiones.
El conxuntu de música antigua Forma Antiqva presenta'l so nuevu discu 'De sópitu', una esploración de les conexones ente la música de raigañu y la clásica.
Herbamora presenten el videoclip 'Lluna de collecha', una producción audiovisual de Cortexiphan col que foi'l single del so últimu discu, 286 llunes.
Proyección de la película Kneecap y coloquiu alredor de la música y la normalización llingüística con Xune Elipe, Elisabeth Montequín, Miguel Fernandi 'Burilo' y Penélope Miranda. Modera Xicu Ariza.
