AIRES DEL PALO- CD Ya collacios & friends

Aires del Palo ye una bandina son toa una institución musical nel suroccidente del país. Fundada hai delles décades y mui popular en toa aquella zona, caracterizábase por entemecer nel so repertoriu tanto pieces de la tradición como otres provenientes de la música pop de cada momentu; con elles fixeron baillar a delles xeneraciones, percorriendo les fiestes y romeríes.

Esti discu compilatoriu recueye grabaciones en vivo del 1º Ruxidoriu Ayandés na que’l grupu protagonista yera Aires del Palo. Nesti trabayu apaecen once pieces que faen honor a la filosofía de la bandina: interpretar baillables y entamar la folixa. Naquella ocasión, de la formación facíen parte: Manolo Rodríguez González «El Muni» (acordión), José Antonio Mon Berdasco «El Chingao» (acordión), Mario López Mesa (redoblante) y Laudelino Ramos Cordo «Lauden» (bombu y platos).