ALIENDA – CD Alienda

Alienda ye’l primer discu de llarga duración d’Alienda. Ta formáu por 12 temes de composición propia y reellaboraciones de pieces tradicionales.

Illán Escalada a la gaita y la voz, Francisco Rodríguez Buznego al bouzouki, Edu Llosa García a la batería y percusión, Carlos Castro Vázquez al baxu y Emilio Amboage Rodríguez a la guitarra; y Bárbara González-Quevedo al violín y voz, amusen nesti trabayu qu’hai futuru nel folk celta asturianu.

«Lo que queremos tresmitir nel discu ye fuercia, frescura, optimismu y allegría, tanto na música como nes lletres» desplica Bárbara González-Quevedo, violín y voz de la formación. L’álbum grabóse nos Tutu Estudios de Corvera l’añu pasáu y foi «cocináu a fueu lentu y con munchu trabayu y esfuerzu».