DEIRA – CD Alba

Deira, el tríu de folk formáu pol xixonés Gonzalo Llao (bouzouki) y los andaluces Juan Almaraz (flauta) y Salvador Daza (vigulín), asoleya’l so primer discu: Alba. El CD ufre, según el grupu «un soníu modernu a traviés de composiciones propies na so mayoría, anque teniendo siempre presente’l folk asturianu y escocés». El discu foi producíu polos propios componentes de la banda, contando col trabayu d‘Héctor Pérez, d’Estudios Mundo Sinfónico (Sevilla), nos mandos técnicos. Cunta coles collaboraciones d’Anxo Lorenzo (gaita; Galicia), César Pastor (uilleann pipes; Madrid), Ciarán Ryan (banjo; Escocia), Pablo Vergara (bodrhán; Galicia) y Pedro Santiago ‘Pintu’ (caxón, Asturies).