DIXEBRA – CD ‘Uviéu 17-09-2017’

Discu en directo de Dixebra pa celebrar 30 años enriba los escenarios. 19 cantares y collaboraciones de renomaos músicos dan forma a esti CD que ve la lluz n’edición limitada y engalanáu nun formatu especial, con un llibretu con semeyes d’aquella nueche.

‘Uviéu 17-09-2017’ grabóse na Plaza la Catedral de la capital del país dientro del conciertu que dio Dixebra lns fiestes de San Mateo. Trátase d’espectáculu espresamente entamáu pal Festival Intercélticu de Lorient que Dixebra repitió n’Uviéu y nél collaboren Jose Manuel Tejedor (gaita), Javi Tejedor (curdión), Rubén Bada (buzuqui y violín), Ángel Ruiz (banjo) y Toño Gómez (trombón) y Maxi Compán (voz) de Fe de Ratas. En palabres de la propia banda «el soníu resultante ye un amiestu de rock contundente con folk y música asturiana».