ELADIO DÍAZ – CD ‘ControlZ’

Primer discu d’Eladio Díaz, saxofonista de Dixebra, xunto col so proyectu Control Z. Una propuesta sonora “radical y orixinal” con bases de jazz y con temes en dellos idiomes, ente ellos l’asturianu.

Un discu nada convencional, con una estructura llibre nel qu’hai espaciu pal funk, el hip hop, la tonada o la esperimentación.

El trabayu del que ye saxofonista de Dixebra dende hai más de 15 años inclúi les voces de los raperos Grilo, Daniel Pose (aka Dani Antistailo) o Shalom, con lletres “reflexives, íntimes y personales delles veces, pero non exentes de reivindicación”, tanto n’asturianu como en castellanu, francés, inglés o portugués.

Ente les nueve composiciones del discu destaca enforma la pieza final, ‘Coyí d’un artu una flor’, “una especie de deconstrucción sonora d’esa perconocida tonada, nun exerciciu arriesgáu pero mui suxerente que nos muestra una visión nueva dafechu de la música vocal asturiana por excelencia”.