Entós – EP entós (Descarga dixital)

Descarga dixital del EP d’entós (nun hai formatu físicu). L’archivu de descarga inclúi los audios a máxima calidá, portada, contraportada, testu de presentación, agradecimientos y semeyes. Cuando lu merques  comprueba la «nota de la compra» y vas ver un enllaz de Google Drive nel que poder entrar a la carpeta colos materiales y descargalos cuando quieras.

Entós ye un tríu folk formáu por Celia Nieto -vigulín-, Adrián Argüelles -flauta- y Javi Menéndez -cuerdes-, El so primer EP ye un trabayu discográficu que mira al folk dende perspectives estremaes, producíu y grabáu por Senén Fernández nos Estudios 15:40 de Perdones (Gozón). El diseñu de la portada ye obra de PerezVillar.

L’entamu d’entós foi va dellos años col envís d’esfrutar tocando xuntos. Sicasí, quixeron da-y forma al proyectu y «intentar ser un eslabón más de la cadena de tresmisión de la música asturiana na so xeneración», como ellos mesmos comenten, buscando dexar la so buelga propia.