JOSÉ MENÉNDEZ CARREÑO «CUCHICHI» – Vinilu

Vinilu que recueye delles de les pieces más destacaes interpretaes por «Cuchichi».

Esbillamos equí un testu de l’asturianada.com dedicáu a esti cantador:

«El mayor de Los Cuatro Ases de la Canción Asturiana, el tenor José Menéndez Carreño Cuchichi, nació n’Uviéu el 12 d’agostu de 1890, y fue l’últimu en desparacer, el 3 d’avientu de 1978, tamién n’Uviéu. A los quince años entró na Agrupación Coral e Instrumental Ovetense, que de 1927 n’alantre diba nomase Orfeón Ovetense. Les actuaciones d’esti Orfeón completábense con tonaes asturianes y Cuchichi diba ser ún de los solistes más reputaos. Xunto a Botón forma un dúu qu’actúa en Cuba y los Estaos Xuníos, onde graben el so primer discu nel añu 1918 cola discográfica La Voz de su Amo.

La so asturianada más representativa fue “Soi asturianín”, una pieza compuesta como cuplé pol músicu Martínez Abades baxo’l títulu de “Paloma blanca”. A los 81 años grabó l’ultimu discu, Antología de la canción asturiana por el gran maestro Cuchichi. con 18 cantares nos que repasó los más siginificativos d’él: “Tu nun vayas más a mio casa”, “Xunce les vaques Ramona”, “Adiós llugarín de Pión”, “A la mar vanse los ríos”, “La mio neña ye una neña”, “La parrandada”, “Coloradina y guapina”…».