LA BEDUR – La Bedur

La Bedur ye’l primer trabayu homónimu d’esti tríu nuevu de música tradicional asturiana formáu por músicos bien esperimentaos de la escena: Miguel Rodríguez Monteavaro (flauta travesera), Pepín de Muñalén (vigulín) y Rodrigo Roces Nuño (pianu). L’álbum ta formáu por trece temes instrumentales y unu cantáu -nel que collabora Mariluz Cristóbal Caunedo– de música tradicional influenciada por otros sones como’l bal-folk, jazz, pop, celta o clásica contemporánea. Estos ven la lluz nun formatu llibru-discu, cola particularidá de que nun hai CD, sinón un códigu QR pa sentir la música n’estremaes plataformes dixitales y/o descargala.