LA TARRANCHA – CD ‘Baillando con Llokes’

Un total de trece cortes formen esti “Baillando con llokes” nel que La Tarrancha presenten un discu de pura fusión, ensin fae-y ascos a nengún estilu musical, ensin mieu a purismos, nin a la necesidá de tener una etiqueta pa lo que se fai, y como nel so anterior discu, “Elefantes na cacía”, faélo con muncha más fuerza, distorsión y enerxía que nos sos primeros trabayos. Les influencies y los estilos que s’aprecien nel discu van dende’l funk y el swing al punk-rock y al rockanroll, dende la música asturiana a los aires balcánicos o castellanos, con toques de ragga, rap y el so siempre presente ska. Un discu bailladeru unes veces, duru y contundente otres y dulce y melódicu n’otres. Puru Mecigayu Ska como ellos denominen a la so música. Lletres que falen de lo cotidiano, de la necesidá de recuperar l’allegría, de les inxusticies, de la necesidá de garrar conciencia, en definitiva d’eses pequeñes y grandes coses que nos afecten a toes.