MANOLO QUIRÓS – CD ‘En un País del Norte’

Segundu discu de Manolo Quirós, publicáu en 1986.

Manolo Quirós foi ún de los pioneros na renovación de la gaita. Entamó a tocar esi instrumentu en 1970 cuando estudiaba en Madrid y nun se separtó d’él hasta la so muerte en 2001. Fundó escueles de música tradicional, foi luthier, publicó llibros sobre la gaita, y foi un innovador col instrumentu. Collaboró con Nuberu; siendo asina’l primer gaiteru n’acompañar a una formación de guitarres, baxu y batería. Tamién foi pioneru en tocar xunto a orquestes de música clásica como Los Virtuosos de Moscú y la OSPA; amás collaboró con músicos de renome internacional como Montserrat Caballé y Alfredo Kraus. La so discografía en solitario ta formada por 8 discos que recueyen la so visión renovadora de la gaita.