MUYERES - CD 'Humanes'

15,00

Humanes’ ye’l nuevu discu de Muyeres. L’asociación de música tradicional publica un discu históricu na so trayectoria, con 13 cantares de composición propia. Les lletres son un homenaxe a les humanes, eses muyeres anónimes que fueron faciendo historia. La música ye ellaborada, con muncha calidá y qu’esplora distintos soníos dientro del folk asturianu.

PRESENTACIÓN DEL GRUPU:

“Muyeres” tenemos la necesidá de siguir avanzando como colectivu musical, dende un nuevu puntu de partida. Por primer vegada, tolos cantares d’esti trabayu , non son temes recuperaos de la música tradicional , sinón que se crearon a costafecha pa HUMANES.

Hestories que ñacen d’otres; dalgunes reales y otres ficticies, de muyeres que pudieron esistir o non, pero que dexen venos y ver a otres, dende un prisma distintu, buceando na contradicción, imperfeición y na fraxilidá de cualesquier ser humanu. Humanes, ensin más.

Dende hestories de muyeres qu’alternen con Lorca, a chigreres que se dexen querer, dende ermitañes arrodiaes de llobos (y llobes) a estravagantes solitaries nun pequeñu pueblu o aquelles que venguen la muerte d’un ser queríu con otra muerte más.

Muyeres ensin mieu ya imperfeutes, pero que na so maraviyosa ya imperfeuta esencia, tamién son humanes. Como nosotres, como tantes otres.

HUMANES y contradictories.

HUMANES y rares.

HUMANES y aventureres.

HUMANES y vengadores.

HUMANES y charranes.

HUMANES y frívoles.

HUMANES y comprometíes.

HUMANES, ensin más.

Hay existencias (puede reservarse)

Más información
Peso 0.1 kg
Dimensiones 14 × 1 × 13 cm
Tipu d'Artículu

CD

Estilu

Folk

Artista

Muyeres

Discográfica

A Mansalva

Valoraciones (0)

Valoraciones

No hay valoraciones aún.

Sé el primero en valorar “MUYERES – CD ‘Humanes’”

Tu dirección de correo electrónico no será publicada. Los campos obligatorios están marcados con *

X